港男將1麥當勞食物密封3年！趁佛誕帶返長洲見「後輩」網民嘲︰有冇勇氣打開？

更新時間：17:42 2025-05-05 HKT
發佈時間：17:42 2025-05-05 HKT

每逢一年一度的佛誕前夕及正日，連鎖快餐店麥當勞都會於長洲分店推出一款太平清醮期間限定的「齋包」脆香素菇包，今年就於5月2日至5月5日期間供應。不過日前有位港男在社交平台上分享，指自己於2022年時買了一個齋包，但就將它密封在玻璃罐內，直至今年佛誕前夕竟帶它回去長洲見「後輩」。帖文引來大批好奇的網民留言，即睇內文詳情！

港男3年前購麥當勞「齋包」密封3年後趁佛誕帶回長洲

日前，有位港男在Threads上發文，指自己於「 2022年買咗個素菇包，然後一直放落玻璃罐存放」。這款素菇包其實是長洲麥當勞分店每年僅於太平清醮期間推出的「齋包」，因為長洲居民按照傳統習俗，會於太平清醮期間守齋戒及禁止殺生3天，所以一般會齋戒，禁吃肉、蛋及奶等，祈求平安，所以長洲麥當勞會推出用菇、紅蘿蔔及粟米製的脆香素菇包。

網民嘲：條橋放喺藝術系FYP實高分質疑「有冇勇氣打開？」

而這位港男不但趁3年前的太平清醮買了素菇包，還將它密封保存3年，直至今年佛誕前夕，就「帶返去佢個出生地長洲」。由事主上載的圖片所見，他的確在2022年買了脆香素菇包，並存放在一個以黑色膠紙包住的玻璃罌內，並帶同玻璃罌分別在長洲麥當勞門外及與於5月4日購買的「新」脆香素菇包合照，證明自己到過長洲。他續寫道︰「唔知今年個素菇包望住大佢三年嘅前輩有咩感想？」。

帖文一出，引來不少的網民熱議。有網民直指事主「大癲」、「真係唔知講咩好，但又覺得好笑」、「欣賞你嘅研究精神」及「呢個行為藝術有D勁」；亦有好奇的人質疑事主「有冇勇氣打開？」、「想知你會唔會解除封印嗅下個包咩味」、「到底個包有幾臭？到底要封幾多層膠紙先隔得住？到底陣味係咪喺膠紙到隱隱飄出嚟…」；更有網民嘲指，「如果條橋放喺藝術系FYP，寫埋artist statement，有文有路，有artist ref，可能攞到高分」，並想知「係乜嘢啟發到你咁做？」。

資料來源︰Threads