內地「潮苑魚仔」進軍香港！賣$138白粥／$1680鹵水鵝頭 進擊定價嚇窒網民：食唔起
更新時間：10:41 2024-09-02 HKT
發佈時間：10:41 2024-09-02 HKT
發佈時間：10:41 2024-09-02 HKT
字體大小
近年內地過江龍品牌如雨後春筍，繼深圳過江龍「陳鵬鵬潮汕菜館」進軍香港後，另一潮菜品牌「潮苑魚仔」亦正式於香港插旗。首間分店選址尖東地鋪，8月已經開幕。近日就有港人率先試食並於網上分享，菜單及定價曝光後不禁嚇窒網民，紛紛大呻「食唔起」！
潮苑魚仔$25萬月租插旗尖東 賣貴價海鮮打冷鹵水
點擊睇港人實試潮苑魚仔：
「潮苑魚仔」是內地售賣潮洲、汕頭菜的連鎖食肆品牌，售賣各式打冷、海鮮、鹵水等等。首度進軍香港，即以月租 $25萬於尖東麼地道冠華中心地下開店，對香港市場似乎甚有信心。潮苑魚仔剛於上月開幕，有網民就率先在 Facebook 群組分享食評，對食物質素讚不絕口，以「好食到飛起」、「一試難忘」形容，甚至要求老闆加價，「臨走時同陳老闆講叫佢加價兩倍，否則日後又要排餐死」。詳細菜單、食評見上文圖輯。
定價引網民熱議：第一見九肚魚收時價
雖然事主大讚特讚，從相片所見食物質素亦不俗，不過大部份網民知道定價後都卻步，「第一次見九肚魚收時價」、「炒碟河粉要兩嚿水」、「紅蟹$1680，我食長腳蟹都得啦」、「喺其他地方見到介紹本身諗住試，見完你叫佢加價就打消念頭」、「食唔起」、「食租金」。
有部份網民認為事主的分享是「收錢賣廣告」，更直指這個定價以及選址難以經營，「收呢啲價位，就算品質點好，都會只得少數人幫襯，大多數人試過就算，所以好肯定客流只是短時間多，遲吓等死」、「尖東出名死城，果頭開飲食業主真係當佢救世主」、「呢間嘢捱到半年當佢贏」、「潮汕菜梗係深圳食，去尖東傻的嗎？」。
圖片及資料來源：全球香港潮州菜、全港店舖消息(開張/執笠)關注組@Facebook
同場加映：物離鄉貴？冒雨排隊2小時為食農耕記新店！震驚小紅書︰香港人很慘
最Hit
Keeta外賣員收離譜「柯打」！凌晨4時送青衣「三支香」最高點 徒步上山僅獲$43.2 最終訂單咁處理……
2025-05-14 15:33 HKT
33歲前《獎門人》主持轉行街市賣蟹？ 開工雞手鴨腳自覺「難堪」：舞台暫時轉至街市
2025-05-13 14:40 HKT
價錢平到唔夠交電費？觀塘老字號酒樓獲追捧 $19.8原煲蒸飯/點心拼盤/大中小點
2025-05-14 17:20 HKT
樓下投訴漏水竟是騙局 馬鞍山屋苑通告曝光模式：新一作案手段 區議員：有十多人遇過｜Juicy叮
2025-05-14 11:20 HKT