EYT好友會丨陳欣健被《東周刊》揭與年輕女子買餸否認有新歡:我得一個老婆

更新時間:08:00 2026-11-11 HKT
發佈時間:08:00 2026-11-11 HKT

陳欣健(Philip)昨晚出席《2026 EYT 好友會聯歡聚會》,對於在EYT的難忘回憶,他笑言當年獲邀由麗的過檔TVB,起初以為拍警匪片居多,豈料之後做主持,自此身份為主持人就冇人找他拍戲及唱歌。

陳欣健掛住阿姐

陳欣健當年跟不少前輩合作,令他學到很多,當中合作最多是汪明荃(阿姐)。當笑問他會否掛住阿姐?陳欣健搞笑謂:「梗係掛住,但唔好意思,家英哥喺度。」

陳欣健跟任何年紀人士都會去街

提到早前他被《東周刊》獨家拍到現身銅鑼灣時代廣場的超級市場,與一名年輕貌似藝人高海寧的普通話女子煙韌逛街、買餸「玩煮飯仔」。陳欣健表示自己跟任何年紀人士都會去街,亦覺得跟年輕人溝通會令心境年輕:「我得一個老婆點會有新歡?」

陳欣健當認知障礙症太太好似BB咁湊

問到照顧患有認知障礙症的太太張蓉蓉,可會很辛苦?陳欣健表示不辛苦,若然患有認知障礙症的人,表現得沒太大反應,就當作對方是BB:「咁就要想返起當日嘅佢,由當初識嘅佢幾靚又好,結婚時有乜承諾!最緊要當佢係BB。」