陳豪聞舊愛廖碧兒戀70歲富豪答得官腔 傅嘉莉被問婚訊預告有好消息
發佈時間：11:45 2026-10-31 HKT
陳豪舊愛廖碧兒今年6月被《東周刊》獨家直擊與東華三院前主席、擁百億身家的呂禮章密會，而廖碧兒最近出席活動時更公開認愛，陳豪今日（30）與傅嘉莉等一班《玫瑰戰爭》演員，參與遊戲節目時被問到此事時，他說：「都係嗰句，No comment！」提到曾與他合作多次的張曦雯早前爆拍攝劇集《璀璨之城》時突被要求加除衫戲，他講笑說：「我都唔知，早知叫埋我欣賞吓！咁難得，我哋齣戲咁多女藝人，可以爭住除，Why not！講真，其實又冇啲咁嘅事，當係一個gimmick ，絕對唔會有啲咁嘅事，因為劇本所有嘢，作為演員其實知道已經set好晒，唔會臨時加。（《玫瑰戰爭》會唔會有咁多？）我哋都唔會蝕㗎同你講！總之會有啲鬥爭喺入面。」問到傅嘉莉演出是否像陳瀅般激烈？她說：「我哋係仲粗暴！我今次可以粗暴對人！」
陳豪得拍直片好快手
傅嘉莉透露在台慶中將會表演跳舞，又指今年大豐收，有《玫瑰戰爭》這部台慶劇外還有一個好消息，稍後再講，問到否結婚？她聽後即大笑表示：「承你貴言。」陳豪早前在橫店拍攝經典宮鬥劇IP的番外篇——《金枝慾孽之宮牆折柳》，他指拍直片，鏡頭更多：「要拍唔同鏡頭先方便佢哋剪輯，（更辛苦？）辛苦啲，但時間更快，快到可以一個星期完成一部戲，都有同當地演員傾過，演員演繹上一樣但賺錢上會多咗更加多嘅機會。」又指劇集在上月中開發，但眨吓眼已完成，提到他22年後再穿起清裝演「孔武」，陳豪說：「仲喺度，我阿Mo都依然公子彬彬！」
陳豪得戚帶旺隱世食店
對於今次參加遊戲節目，陳豪指在知識類方面好叻，但傅嘉莉就自認是「豬隊友」，就算溫了書也沒有用。陳豪有份主持的節目《美食強人》播出後成功帶旺節目中介紹的餐廳，他謂拍攝時已知道有這個問題，因為大家也知道這些店隱世，本來已經要排隊，但加上節目後生意倍增，他得戚表示：「我哋的確係造就咗我哋香港飲食業嘅呢個文化，係一個幾唔錯嘅成績，多謝大家！」又指當中有幾間湯麵，就算要排隊也會想帶小朋友去。
