杜如風因「世界級港女」封號單身12年 平反無效冇人追嘆冤枉 公開減肥至105磅秘笈
發佈時間：12:00 2026-10-30 HKT
杜如風（Helen To）因為主持旅遊節目時多次展現豪爽揮霍的風格，既自戀且經常展現對名牌與購物的瘋狂熱愛。她曾在節目中自爆「屋企有一千對鞋」，加上節目內容被部分網民批評空洞及鼓吹物質主義，因而觸發網絡熱議，更被網民封為「世界級港女」。雖然杜如風多次為自己平反，強調自己雖然喜歡購物，但「從未花過男朋友錢」，買名牌全憑自己努力工作賺錢，絕對不是依靠男人的寄生型港女，不過這番話仍未能為她洗去污名。
杜如風呻因「世界級港女」封號單身12年
近日，因為驚變「紙板人」而成為外界焦點的杜如風，日前作客方健儀的YouTube節目《女人方言》接受訪問。對於多年來被標籤為「世界級港女」，杜如風無奈地說：「嗰啲人叫我『世界級港女』之後，完全冇人追過我，我單身咗12年。就係因為呢個名囉，所以我覺得好冤枉。如果『港女』stand for炫富嘅、晒命嘅、拜金嘅，咁我唔係囉，不過呢個名唔會影響到我買嘢。」
相關閱讀：51歲杜如風近照驚變「紙片人」惹健康憂慮 曝光「有大單嘢」掀熱議
杜如風搬屋驚覺買得太多
不過杜如風表示近年在shopping的心態上確實有所轉變：「講真嘅，而家買嘢真係睇價錢喇，以前真係唔睇嘅。如果而家鍾意咗一樣比較昂貴嘅物件呢，我會返去畀3天時間自己諗下，如果3天之後，自己仲係好想要嗰樣嘢呢，咁就買啦。」杜如風又稱這個轉變與多年前搬回家與媽媽同住有關：「當時捐咗30幾袋衫，揼嗰啲嘢全部未拆牌子嘅，自己都肉赤。嗰陣時又肥咗呢，有啲以前瘦啲嘅衫又著唔落，又要揼埋。嗰下我就覺得，原來真係買得太多，因為要我自己執嘛。」
杜如風自爆遇過無數渣男
杜如風的感情生活同樣精彩，她曾在J2節目《數你條命》中大爆情史，坦言遇過的「渣男」一隻手都數不完。其中一位前男友尤其擅長隱瞞，令她一度以為自己是「正印」，但她坦言這些經歷未有影響她對感情的態度：「因為我唔會真係擺好多心機落去應付啲渣男。即係，知你渣嘅喇，咪同你玩一陣先。我對愛情都係好嚮往嘅，咁係人都想有人對自己好、有人一齊陪自己做嘢，即係煮飯食啊。但係如果無呢，自由自在嘅單身生活呢，我都好OK。」
相關閱讀：「娛圈敗家女」身形突變震驚網民 出身富裕情路坎坷 屢遇「渣男」矛頭直指一男星？
杜如風靠一日食三蛋成功收身
近日杜如風的身形出現重大轉變，由昔日圓潤的身形驚變「紙板人」。她表示自己以前試過用不同方法減肥，不過總是失敗收場，更曾經有一段時間打算放棄，以後做個肥妹，買衫只買男裝大碼。想不到今次她竟然收身成功：「呢次係還原基本步：節食、做運動、一日三隻雞蛋。仲有一餐晏晝嘅，可以食到半碗麵，跟住就喺個跑步機度跑。我而家105磅，好滿意，夠喇，唔好再瘦喇，再瘦落去就殘㗎喇。」
