葉子楣爆曾秘戀伍詠薇亡夫狂打茄輪指翁江培讚其身體一部位軟熟伍姑娘流淚：你搶我嘢？

更新時間：19:30 2026-10-19 HKT
發佈時間：19:30 2026-10-19 HKT

現年60歲的一代性感女神葉子楣，日前作客HOY TV節目《九運會客室2》，接受伍詠薇（伍姑娘）與李凱賢（Brian）專訪時，首度自爆年輕時曾與伍詠薇的亡夫翁江培有過一段不為人知的地下情；伍詠薇不僅從未得知這段往事，更透露亡夫生前曾堅決否認追過葉子楣。節目中兩女當面對質，細數翁生當年開勞斯萊斯接送、歌廳共舞及伸舌濕吻的浪漫招數，伍詠薇一度激動得離座質問「係咪搶我啲嘢」，甚至在鏡頭前情緒翻湧而流淚，隨即引發全網瘋傳與熱烈討論。

葉子楣獲翁江培勞斯萊斯接送

葉子楣於節目中，自爆比伍詠薇更早認識翁江培，旋即令全場嘩然。伍詠薇聞言即刻叉腰追問：「佢真係溝過你呀？你唔出聲嘅！」葉子楣隨即著她冷靜坐下，並連忙澄清：「你唔使咁緊張，係，但冇嘢，未發生過關係。」

葉子楣爆跟翁江培相識經過

葉子楣細述兩人結緣經過，笑言自己當年的擇偶條件向來不看身家：「我剩係鍾意窮鬼吖嘛，我冇同有錢佬（一齊），揀咗個窮。嗰時有錢佬帶晒成班人食飯，全部都好勁，翁生喺度，佢知我同有錢佬甩咗，就同我講『其實我好欣賞你』。」葉子楣指翁生隨後展開熱烈追求，浪漫攻勢層出不窮，常駕駛勞斯萊斯名車管接管送。身旁的伍詠薇聽罷一臉哭笑不得，忍不住斜著身子自嘲感嘆：「咪得一架！唉，原來你坐過嗰個位嘅，嗰個位咁多人坐過暖笠笠。」

葉子楣讚翁江培浪漫

葉子楣續指男方極富情調，常帶她到歌廳聽情歌，伍詠薇亦無奈苦笑認證：「即係你去過嗰啲地方，我都去過囉，OK？」全集最爆的高潮，落在兩人交往期間的親暱細節。葉子楣在鏡頭前毫不保留地透露，翁江培身材高大，每次聽慢歌都會邀她踏入舞池慢舞，更熱衷在跳舞時情不自禁接吻。葉子楣大爆：「佢真係好浪漫，跳舞嗰陣時……係佢教我打茄輪（法式濕吻）㗎！鍾意跳跳下舞突然間伸脷，嗱我冇講大話啦！佢仲話我條脷好軟熟，搞到我（以後）一同人kiss慣咗伸脷。」

葉子楣首爆跟翁江培戀情

葉子楣強調，這段情極為短暫，雙方沒有進行過性行為，且當時翁江培根本尚未認識伍詠薇。她解釋多年來絕口不提的原因：「我一直冇講，就算見到你都冇講，講嚟做咩啫。好好朋友都唔講，真係咁啱呢個節目，我覺得要精彩啲。」

伍詠薇疑打翻醋埕離座質問

眼見亡夫當年的追女絕招被「百分百複製」，另一主持Brian更忍不住補刀：「即係你Say No先至溝佢（伍詠薇）！」此言一出，伍詠薇隨即激動得從座位彈起，指著葉子楣作勢興師問罪：「我依家條氣唔順，雖然你已經唔喺度……喂呀，你搶我啲嘢？」場面既搞笑又帶幾分尷尬。

伍詠薇一度流眼淚

面對亡夫當年的隱瞞，伍詠薇坦言昔日一直以為只是空穴來風的流言，沒料到多年後竟在節目中由當事人親口證實。百味雜陳的伍詠薇最終在鏡頭前笑到飆淚、眼泛淚光，雖然她極力打圓場稱是「開心的眼淚」，但仍令觀眾感受到其內心的震撼與波瀾。她最後深有感觸地感嘆：「人生就係咁奇妙，大家坐埋一齊分享佢拍過拖嘅男人，即係我嫁過嘅男人。好笑，佢講嘅嘢冇錯，同佢對我做返晒嘅嘢一模一樣。」

伍詠薇21歲新婚13天喪夫

兩女如今能在鏡頭前笑談舊情，然而這段過往對伍詠薇而言，背後卻蘊含著一段難以抹滅的沉痛記憶。現年57歲的伍詠薇，早於20歲參選亞姐前，邂逅了比她年長31歲的安永會計師事務所高級合夥人翁江培。兩人於1990年步入婚姻殿堂，當年她年僅21歲。

伍詠薇僅獲900萬遺產

豈料造化弄人，婚後短短13天，翁江培陪同伍詠薇前往深圳登台期間，突然心臟病發猝死。新婚燕爾遽逢喪夫之痛，伍詠薇當時飽受極大打擊。更殘酷的是，外界隨後盛傳她繼承了亡夫高達1.7億港元的巨額遺產，令年紀輕輕的她承受夫家冷待與阻撓，甚至無端背負外界「剋夫」、「貪錢」等難聽罵名。伍詠薇其後多次澄清並無繼承巨額遺產，並在飽受長達十多年的遺產官司拉鋸後，最終於2000年才獲分約900萬港元法定遺產。