譚詠麟演唱會尾場丨合十哽咽告別紅館：永永遠遠記住呢刻 強硬拒絕劉德華苦求再唱
發佈時間：04:29 2026-09-23 HKT
譚詠麟（阿倫）在香港最後一次大型演唱會的《譚詠麟與您「刻骨銘心」世界巡迴演唱會-終極篇》紅館演唱會，10場演出昨晚正式落幕，阿倫在粉絲、親朋好友的陪伴，於紅館經歷十個晚上，這晚以一曲《講不出再見》落幕，唱到副歌時已哽咽得唱不下去，他合十答謝歌迷，抽泣說：「我會永永遠遠記住呢刻。」並向對歌迷派飛吻，告別紅館舞台。
譚詠麟完成202場個唱感謝歌迷灌溉
完成演出後，阿倫換上運動裝現身後台，周國豐主持一段訪問環節，首先有大會送上蛋糕慶祝，問到由出道至今達202場個人演唱會，最難忘的感受？阿倫說：「要多謝歌迷的灌溉！」他指今次為演出投入全力，排練了達200首歌，有排練過度的感覺，每日10點已完成5至11公里的跑步，整天都在檢查、練歌和排舞中度過，往時只睡4小時也變「大覺瞓」。談到歌迷買不到這10場的票，阿倫笑言：「仲有巡迴呀！有時間就來睇！11月第一站馬來西亞，全球都會有，香港就不會了。」
劉德華刻意搞喊他
阿倫接受訪問，談到數度哽咽唱不下去？阿倫笑言是劉德華刻意搞喊他，克勤則比較叻，因有了心理準備，問是即興邀約？他笑言：「我都是唱到一半，才在台下聽到華仔來了，邀到他們很正，但都怕他們沒心理準備。（華仔求你再唱？）我求你不要再求我！我自己是有想法。（咁堅定？）我仲有百多場巡唱。（尾場在香港Encore場？）到時再想啦！」問開啟德嗎？阿倫即瞪大眼，笑問是否「捉字蝨」，提到他入紙很容易成事？他笑言都要和大家一齊排隊，「都要考慮適不適合！（華仔話你唱就會畀錢？）我歡迎任何人畀錢支持！」他承諾，一定會為華仔的演出做嘉賓。
譚詠麟巡唱首站吉隆坡未開賣已賣晒
談到巡唱，阿倫透露原定首站上海，但因場地問題有調整，首站變成吉隆坡，「好似未開賣已經賣晒！」問巡唱會繼續訓練？他笑言會有規有矩，但最近都會放肆食一下，笑言好快會反彈，「3、4日就返嚟啦！（現在最想食乜？）現在最想見多啲朋友，飲少少嘢！」又笑言會朋友玩啤牌，鍾鎮濤也是牌腳之一。至於中秋節，阿倫表示會安排與屋企人及朋友過，問包括新抱？他笑言：「又講呢個！」最後他希望演出能「後會有期」。
