楊思琦關閉《翻叮一族》欺凌事件檔案怕越描越黑 48歲被讚似30：希望去到5字頭似4字頭
發佈時間：07:00 2026-09-01 HKT
歌唱學校《Red Academy》昨晚在柴灣舉行一年一度周年匯演，院長梅維瀚先生、校監蔡加敏小姐及楊思琦、譚凱琪、朱凱婷及游莨維等也有出席。
楊思琦帶一對子女合唱
楊思琦表示今晚一對仔女會一起表演，笑言兩個小朋友在家也有一起唱，自己有時也會參與，搞到好像大合唱般，又指兩姊弟由細到大感情好，雖然細佬有時會曳，但家姐都會包容，自己也很放心。
楊思琦直播帶貨日播幾小時沒問題
思琦最近頻頻以直播帶貨搵錢，她表示除了內地之外，最近也嘗試在Facebook做這件事，又指現在大家都這樣做，早幾年在內地做直播已開始賣口罩：「如果你嗰日唔播，你啲fans會搵你，啲追魂call仲急過我個女，覺得佢哋會關心你、追看你，同埋update你嘅資料，就算唔係拍劇，喺一個好簡單嘅live傾偈或者唱歌，佢哋都係好支持你，係好開心。」問到是否賺好多？思琦即否認，表示要「慢慢地努力」，又透露最高峰一日直播幾小時，就算唱好多首歌都沒問題。
楊思琦48歲被讚似30好興奮
對於有網民指她現時狀態似30，已年屆48歲的她聽後即興奮說：「哇！咁好，30？係咪真㗎？多謝大家支持，希望去到五字頭嘅時候，你哋話我似四字頭啦。」
楊思琦睇好冠軍袁絲珩
至於是否有留意新一屆出爐港姐？思琦表示有看，問到有否勾起回憶？她指自己參選已是25年前的事，而看的時候亦有想起自己當時在台上的表現：「我諗佢哋都會好緊張，但係我見到個個佳麗都對答都好淡定，尤其是冠軍都好大方，我哋好多人都好鍾意佢，（你心水？）開頭我冇留意，噚晚我先睇，跳舞環節好好，講嘢又very good，好得體！（即係睇中佢？）係呀！」
楊思琦與鍾嘉欣冷熱療法聚舊
早前鍾嘉欣回港，兩人更相約去享受Contrast Therapy（冷熱交替療法），思琦指和嘉欣已好耐冇見，不過之前有去內地看嘉欣的演唱會：「佢返嚟都有約，因大家湊小朋友都忙，佢每次返要應付演唱會啊，或者係做其他嘅騷，有時會帶住小朋友，所以都好忙。」至於兩人是否有傾合作？她就謂順其自然，但若嘉欣需要她，會兩脅插刀幫忙，又指自己也有想過開騷，因這兩年也有出歌，若真的搞騷希望大家會支持。
楊思琦回應欺凌事件「close file」
另外，提到《翻叮一族》被欺凌事件，因她當日沒開名連累到多人被牽涉，思琦指事情已經過去，希望大家不要放在心上，而自己也沒有放在心：「其實close File，真係唔好再講，怕越描越黑，大家開心生活。」
