一蚊Joe做司儀被質疑欠專業操守 遭鍾雨璇細佬指控遲到 游莨維現身回應：我就覺得冇得拗
發佈時間：22:30 2026-08-31 HKT
「一蚊Joe」游莨維早前被鍾雨璇（原名蘇慧恩）細佬在網上炮轟，指他做主持時遲到、冇禮貌等沒專業操守，鍾雨璇其後更表示將cue卡遞給對方時，Joe不是講「唔該晒」，而是答了一句「Oh my gosh」，令細佬嬲爆。
一蚊Joe回應被指控工作遲到
今日（31日）Joe為歌唱學校《Red Academy》周年匯演擔任司儀，被問及此事時，Joe指事情發生在7月，最初不回應是想用工作去證明，等大家去衡量自己是否專業，對於被指遲到，他寸爆說：「我就覺得冇得拗，有人覺得我遲到，我認啦，但若然個騷七點鐘，我五點鐘到都叫遲到嘅，我唔知啦。」不過他指若自己令到鍾雨璇不舒服，在這𥚃向她致歉，日後有機會合作會解釋事件，希望大家可在「江湖見」：「我相信大家作為司儀成日都會有機會見。」
相關閱讀：「一蚊Joe」游莨維工作態度遭公審？重溫四大爭議 曾直播生仔、寸港聞記者成熱話
一蚊Joe承認表達得不好惹誤會
對於鍾雨璇指將cue卡遞給他時，他答了一句「Oh my gosh」，Joe就承認自己可能表達得不太好，但覺得是誤會：「我想講其實我係有啲驚訝，我係估唔到你帶個printer嚟print份cue卡，都幾好喎，我嘅意思係咁嘅，呢樣嘢我係感激嘅，但可能我冇表達到thank you兩個字令佢有啲唔舒服，但我都有啲surprise，我真係未聽過有MC會帶printer去，可能我真係因為冇幫手，令到佢唔舒服，我再一次向蘇小姐（鍾雨璇）講聲唔好意思！」提到鍾雨璇也有叫細佬刪post，Joe坦言感到開心，可能因大家同一件事嘅觀點與角度有不同，自己也不會刻意去講誰對誰錯，所以現在用工作證明。
相關閱讀：「$1糟男藝人」被力數「司儀3宗罪」 遲到無禮騷前掛住煲劇 游莨維突po工作照惹揣測
他指開心的是事情發生後一個月，工作也未停過，笑言離開了母校（TVB）是抵用，而且大家還會用完再用，雖然也有客戶打給他問發生什麼事，但解釋過後也沒有問題，更透露現在自己接的喜宴工作去到下年三月，工作方面是沒影響，也感謝大家對自己的信任。
相關閱讀：「一蚊Joe」游莨維反駁開工遲到指控 反被恥笑唔識睇Rundown 鍾雨璇代弟道歉竟爆家醜
