馮允謙叫「Cloud BB」不怕未婚妻呷醋 Teller認「放縱」望操回八舊腹肌 王鄭浚仁為𠱁尤淑情請食大餐
發佈時間：20:15 2026-08-29 HKT
馮允謙（Jay Fung）今日（8月29日）出席尖沙咀音樂節活動。他接受訪問時，透露最近非常忙碌，說：「有一隻自己嘅廣東話歌，自己寫嘅，另外有一隻，係同一個法國歌手Joyce Jonathan，同佢做咗個crossover，唱咗一隻法文同廣東歌（《DANS MES RÊVES》），噚日就同陳柏宇出咗一隻英文歌。」他表示，這首叫《Up and Down》的新歌是他作曲，給陳柏宇的歌《快照》的英文重新填詞版。
Jay Fung稱未婚妻對自己百分百信任
談到上個月與雲浩影（Cloud）合作，在音樂會台上稱呼她「Cloud BB」一事。他解釋說：「因為佢之前見到我，會叫我做『Jay BB』，我就忍唔住叫返佢『Cloud BB』，我希望佢唔會尷尬。因為貪得意玩吓。」未婚妻會不會呷醋？他坦言不會，說：「其實佢好信任我先畀我自己一個喺香港工作。」問到與未婚妻的婚期，他回答暫時未有計劃，因為兩人都在為工作奮鬥中。不過，他透露自己是一個較低調的人，所以婚禮會低調進行，可能只是簽紙，雙方家長一齊食餐飯。
Teller新歌鼓勵人去做自己
《全民造星盤VI》冠軍Teller王偉俊他接受訪問時，透露最近忙於新歌《JAWS》的MV製作。他說：「呢一首歌《JAWS》（大白鯊）就係講緊喺海入面大白鯊會做嘅事，同時都講緊點樣搵返真正嘅自己，喺搵返自己途中嘅痛楚，將自己嘅痛變成力量。」他表示，歌中表達的大白鯊就是他自己。為什麼是大白鯊？他回答：「因為呢首歌想鼓勵人去做自己，唔好理其他人質疑，做好本分就OK。大白鯊就係唔會理會人哋點睇自己，我今日要食呢一餐，我就去廝殺，去食呢一餐。」
講回近況，他表示近來「放縱」了一點點。「食多咗嘢，但係每日都係雞胸、飯同菜，好清，做gym都係日日去。（要保持體重？）睇嚟我過咗嗰個位，之前腹肌係八舊，而家得返六舊，係放縱咗少少。我而家70公斤路程就係想操返八舊腹肌。」
王鄭浚仁搞生日會擺足20幾圍
王鄭浚仁亦有份出席今日尖沙咀音樂節活動。王鄭浚仁透露正在籌辦自己的生日會活動，並表示今次是在港舉辦的第二次生日會。是次生日會更會大排筵席，開足20多圍，邀請逾300位粉絲及《中3》、《中4》學員一齊慶祝。王鄭浚仁續指，出席的嘉賓都會上台唱歌，猶如一個小型音樂會一樣。王鄭浚仁笑言，上年唱得太多歌，因此公司有微言。「上一年我唱太多，俾公司詐我型，哈哈。佢話我唱晒啲歌，之後演唱會點算？」但他也表示，生日會最重要粉絲們開心，所以也會盡量滿足大家期望。
早前尤淑情在《中年好聲音4》比賽失準，撞上與王鄭浚仁一齊開Live。王鄭浚仁為了氹她開心，請了她去食自助餐。「Live之後，我話唔好唔開心，我請你食放題啦。（佢食得多唔多？）多，佢好擦得，講真嘅，因為佢真係減咗肥好耐。」
