惠英紅訪問片翻Hit 直斥關詠荷拍攝《苗翠花》不理睬人：覺得佢幾討厭，藐嘴藐舌

更新時間：15:00 2026-08-28 HKT
發佈時間：15:00 2026-08-28 HKT

TVB經典劇集《苗翠花》當年大受歡迎，劇中飾演「三姨太」的影后惠英紅與女主角關詠荷擦出無數火花，但原來兩人初次合作時曾有過誤會。近日訪談節目《回到未紅時》片段於網上翻Hit，惠英紅在訪問中，竟當面大爆最初十分討厭關詠荷，更當場指責對方當年「藐嘴藐舌」兼不理人。

惠英紅指責關詠荷不理人

節目中惠英紅被問及對關詠荷的第一印象時，惠英紅毫不掩飾地表示：「我初初識佢呢，我就覺得佢幾討厭！藐嘴藐舌呀，又唔睬人！」身旁的關詠荷隨即笑著否認：「我冇藐嘴藐舌！」惠英紅接著還原當時情況：「平時問佢：『喂，你今日食咗啲咩呀？』佢答：『飯囉。』『你陣間嗰場戲點呀？』佢答：『係啩。』永遠都係一個字答你！」

網民讚惠英紅顏值爆燈

面對惠英紅的「控訴」，關詠荷亦忍不住失笑，並親自澄清冷淡背後的真實原因。關詠荷笑說：「其實我都唔係，我覺得你講得我太差喇！我唔係好識奉承人。」她隨後認真解釋，自己當時並非耍大牌，而是因為性格內向慢熱：「我怕溝通，你知唔知呀？我怕講多錯多，都有啲係為咗保護自己。」網民對於昔日的訪問，除了大讚《苗翠花》好看外，更指「覺得惠英紅漂亮些」、「惠英紅年輕時非常漂亮」。

↓追蹤《星島頭條》WhatsApp頻道↓