林寶玉預告經理人藝人兩邊走 姚正菁首度開腔緊張到震獲讚「被愛情耽誤的歌手」
更新時間：17:15 2026-08-24 HKT
發佈時間：17:15 2026-08-24 HKT
發佈時間：17:15 2026-08-24 HKT
字體大小
《大AL的音樂歷程》演唱會日前在數碼港商場中央表演場舉行，不少圈中好友現身撐場，包括「最索經理人」林寶玉、姚正菁等，而菁菁更首度公開獻唱，寶玉就自製Fans牌，成為今次演唱會焦點！
大AL上台時，好友紛紛在台下不斷歡呼拍掌，他一連演唱多首金曲包括《Golden Slumber》、《One day》等，台下觀眾掌聲如雷，氣氛非常熱烈。
大AL感謝各方好友支持
騷後大AL感謝各方好友支持舉行個唱：「全靠今次主辦Sam哥、資深音樂人粉哥精心製作及策劃，得到多方好有鼎力支持！特別係菁菁做嘉賓，真係估唔到佢初踏台版表現非常出色、唱得咁好，除咗演戲之外唱歌都非常了得！其實去到依家呢啲年紀，開騷都似係朋友聚會，大家見吓面重要啲！」
姚正菁首度獻唱《親密愛人》成焦點
早前透露正上堂學唱歌的姚正菁，這日狀態滿分，首度公開獻唱《親密愛人》成為全場焦點：「出場前我緊張到震晒，我都好擔心、唔知大家咩反應，依家感受到上台嘅樂趣，我應該會更加鍾意唱歌，亦都明白老師之前教我嘅小技巧！我問寶玉俾幾多分我，佢懶神秘唔講，不過要經理人夠嚴格才有進步空間！」
林寶玉讚姚正菁係「被愛情耽誤」歌手
林寶玉就表示早前兩人前往新加坡拍攝，為即將派台的新歌拍封面照：「我都乘機影啲靚相，因為其實我稍後時間會經理人、藝人兩邊走，不過詳情就梗係賣個關子先！所以我都要準備做運動，準備以最佳狀態去見人！」她又表示這日姚正菁的表演超出預料之外，大讚對方係「被愛情耽誤」的歌手。
最Hit
