中年好聲音4丨7強決戰前夕訴辛酸 蔡宓婕遭網暴爆喊 尹景順坦認極度自卑 許美琪拒做喊包爭冠

TVB節目《中年好聲音4》總決賽將於8月23日假啟德體藝館舉行，終極7強名單已經順利誕生，包括：尹景順、吳亦偉、尤淑情、許雲妮、許美琪、蔡宓婕和鄭家聲。今晚（22 日）播映《中年好聲音4之決戰前夕》，終極 7強細訴參賽以來的心路歷程，更邀得7位親友現身，隔空向他們送上最窩心的鼓勵。

7強將壓力為歌聲爭奪冠軍寶座

獲王馨平睇好奪冠的尹景順，以「佛系」心態將黑粉化作動力；吳亦偉無懼取笑，誓以完美咬字挑戰粵語歌；曾因「卡通聲」崩潰的蔡宓婕亦於街頭重拾自信。「中4舞王」鄭家聲預告炮製演唱會級快歌，許雲妮則以大氣曲風決戰啟德舞台並首獲父親力撐。尤淑情獲張與辰激讚大蛻變，許美琪睇TVB劇煉成神級感染力 ，眾人勢必化壓力為歌聲，爭奪冠軍寶座！

相關閱讀：中年好聲音4｜周志康陳旭培決賽前遭淘汰 最後七強冇晒香港選手 網民斥節目忘記初心？

白眉鷹王」莫家淦為「 舞王」鄭家聲打氣

16強賽事止步的「白眉鷹王」莫家淦依然非常關心戰友，更特別為「中4 舞王」鄭家聲打氣。莫家淦表示一直睇好家聲入決賽，但不明白對方為何經常愁眉苦面：「好似咁多心事嘅呢？」並叫鄭家聲於決賽上帶給大家驚喜。鄭家聲說：「如果以比賽嚟講，而家算係最輕鬆，因為我諗想我已經達到我想要嘅目標，同好多參賽者都已經好熟，開始怕比賽結束，睇唔到佢哋嗰種感覺。跟住來我會怎樣去迎戰呢？我嘅心態真係當佢係演唱會。我最期待係快歌部分，可以同舞蹈員一起去構思呢個表演，想做一個新嘅版本，但係某啲部分又會令你懷念，帶到一個演唱會級嘅作品畀大家。」張與辰在10多年前已經在比賽上與「中4 炸彈」尤淑情認識的，當時張與辰是評審，尤淑情則是參賽者。張與辰指尤淑情以前唱歌着重技巧，但現已學懂將人生經歷融入歌中：「所以我覺得佢係進步得非常、非常之勁。」尤淑情承認自己是進取的人，幾乎每天都會重看自己的片段：「呢一年不斷聽評審講我要點唱、點樣去進步，令我知道點行。」淑情坦言小朋友是自己的最大動力：「佢哋日日都鼓勵我『媽咪你可以的、你很棒的、你可以拿到』，所以畀到我好大嘅動力，每一場我都會唱到好好。」

吳亦偉被胞姊質疑挑戰粵語歌的勇氣

自知廣東話是弱點的吳亦偉，今次找來胞姊為自己打氣，不過胞姊取笑叫吳亦偉語言天份差，更問他哪來的勇氣挑戰粵語歌：「你還敢繼續挑戰粵語歌曲？你知不知道？你的冠軍離你越來越遠了！」吳亦偉承認自己對捲舌與不捲舌的發音存在較大差異，說話不太標準：「我是很開心，因為到比賽到現在，其實我唱了有八首粵語歌，那我覺得每一首歌對我來說都是新歌。每一次粵語歌都是好大好大的挑戰。但我還蠻享受這個挑戰的，對，因為畢竟都已經來到香港比賽嘛，那如果你不唱粵語歌，我覺得是有點不太尊重。」吳亦偉透露決賽會唱一首粵語慢歌：「我最最最低的標準之一，希望大家起碼聽到，不用看字幕也聽得懂我唱甚麼，或者是可以跟着我一起唱，我給我自己的目標是這樣。」自小跟許美琪在蘇格蘭一齊讀書，目前是許美琪歌迷會會長的Danny Li，指美琪自小已熱愛唱歌：「而家你唱到《中年好聲音4》決賽，你好叻呀！想問你有冇咩古靈精怪嘅方法，令到自己了解首歌呢？」許美琪坦言看TVB 劇成長，相信有很大幫助，例如唱《傷信》，她會當自己是歌詞中的主角：「去到最尾其實個情緒真係就嚟喊嗰隻，但係我要Hold住，唔想每一Round都係『喊包琪』。」許美琪坦言很想突破自己，所以每次都唱不同風格的歌曲：「但成日都揀錯歌，哈哈哈！」她預告決賽會展示另一面給大家欣賞：「希望我老公、阿爸見到『原來你係一個歌手』。」

相關閱讀：中年好聲音4｜尹景順、尤淑情、鄭家聲係內定三甲？  TVB疑有份主辦內地團似洩天機

Calvin Sir特別為許雲妮打氣

曾擔任「導師分組賽」綠隊導師的張嘉銘（Calvin Sir）特別為許雲妮打氣：「恭喜你終於進入決賽啦。好啦，每一次見到你喺大馬、香港，兩地咁來來回回飛，而且仲要照顧三個小朋友，真心非常之佩服你。今次你一步一步咁樣入到決賽，我真係覺得你好叻，恭喜晒。喺舞台上面我哋見到好多唔同面向嘅你，有溫婉細膩嘅女人心，亦都有狂野火辣嘅餓狼傳說。雲妮，今次入到決賽，我知道你仲收埋好多貨嘅。老老實實，仲有啲咩驚喜帶畀我哋先？加油雲妮，我哋支持你！」許雲妮坦言今次比賽與之前有很大分別，因啟德體藝館的場地很大，最重要是氣勢，故會選唱大氣歌曲。許雲妮更流淚表示：「我家姐係特登飛過嚟睇我嘅。係我同佢講，我好想你睇住我入呢一場比賽。即係入又好，唔入又好，咁至少我都希望有個人、屋企人喺你過。我覺得嚟參加呢個比賽，有部分都係我想要證明畀屋企人睇，我係好叻唱歌嘅。比賽前期嘅時候，其實爸爸都冇咩反應，但是到後期嘅時候，慢慢佢開始有追比賽，慢慢佢會評我唱成點，然後慢慢到佢會打電話嚟，跟住同我講，但係佢又唔講出口，佢淨係畀我一個（豎起拇指手勢）。呢個手勢對我嚟講已經好似開始認同我喎！」

銀老師直指蔡宓婕對自己要求太過

至於紫隊導師高少華（銀老師）直指蔡宓婕對自己要求太過，造成很大壓力，但其實很有實力：「你唔可以睇小自己。」並大爆宓婕曾哭着問她：「你記唔記得呢，你有幾次同我喊過，曾經問過我：『我啲咬字真係好差咩？』『我真係好醜咩？』『點解我咁努力去練習，但係咁多人鬧我呢？』當時我就答過你呢啲問題，但是喺呢一刻，我希望你自己答返你自己。」蔡宓婕含淚表示最初很喜歡看網民留言，但自從唱《原來你什麼都不要》後，開始被網民批評「好嘈」、「卡通聲」、「好難聽」等，她便懷疑自己，更害怕在台上做回自己：「但係喺香港、澳門嘅街道，好多好多人行過嚟同我哋講『你哋要加油，我哋好鍾意你。』咬字嘅部分，我覺得係一個好大嘅動力，讓我去努力同進步嘅。我都明白做唔到咬字 100% 完美，但我會盡力去做，做到我覺得我沒有失禮於香港的聽眾，和我哋要唱嘅嗰首歌。」

相關閱讀：中年好聲音4｜尹景順回應宣傳海報惹「內定三甲」疑雲：我哋都想 鄭家聲打頭陣壓力大 尤淑情未比賽已經想喊

尹景順被王馨平視為冠軍

曾與尹景順合唱《別問我是誰》的王馨平，已視尹景順為冠軍。王馨平很好奇他如何做到比賽前能放鬆心情，尹景順坦言曾參加很多歌唱比賽，每次都想贏，若不能晉級便很失望，甚至想過放棄唱歌，所以他便放鬆心態去比賽，不過原來「佛系」背後源於自卑：「我係一個比較自卑嘅人！一向嘅諗法係全世界唔係咁鍾意我，如果有一個人鍾意我，哪怕淨係一個人鍾意我，我已經好開心。因為我呢個想法，變成咗我有時候睇到一啲討厭我嘅人或者黑粉講嘅嗰啲話，我都會覺得冇乜嘢，或者佢哋講得啱，因為有時候一個自卑嘅人，其實因為佢自己有時候都唔係咁鍾意自己，有時候我都會認同佢哋嘅說話，所以我唔會講受到太大打擊，反而係提醒我，呢次結束之後，無論之後係點樣，我都會更愛自己多一啲。」