東張西望｜「保安安德尊」扮送別墅呃唔戴套 鬧保安中女係雞 梁敏巧連環發炮對質
發佈時間：22:00 2026-08-21 HKT
昨日《東張西望》報道一宗疑似「騙財騙色」事件，節目主持梁敏巧（Maggie）直擊屯門屋苑一名中年女保安Tammy的悲慘遭遇。Tammy早前被自稱租車公司老闆的「郭總」熱烈追求，更一度以為可嫁入豪門，怎料這位被封為「保安安德尊」的霸道總裁竟是「空心老倌」，令Tammy人財兩空，今晚東張繼續跟進事件。
Tammy收假名牌袋有陣臭味
郭總初時以甜言蜜語和「名牌」攻陷Tammy芳心。面對梁敏巧詢問：「郭總很大方，送你很多名牌？」Tammy即刻激動大爆全是劣質A貨：「咩名牌，全部都係假貨！成身都係充場面，呢啲喺路邊攤都買到啦！」最誇張的是一個聲稱價值逾二百萬的「H開首」名牌手袋，Tammy憶述：「一打開，嗰股塑膠味好臭，好刺鼻！每次同佢出門都要我化濃妝，一定要攞嗰個手袋！」梁敏巧更即場試噴郭總送的「自家品牌」香水，驚訝表示：「真係... 我都聞唔到有味。」Tammy即附和：「一秒都冇味啦，證明佢為人虛偽，全都是假！」
相關閱讀：東張西望｜中年港女遭「保安安德尊」騙財騙色 豪門夢碎被呃5萬 梁敏巧忍唔住失控大笑？
「郭總」提出生女送別墅
除了用假貨充闊佬，郭總以用「生女送樓」的謊言與女方發生關係。Tammy向梁敏巧大爆對方曾要求她不設防傳宗接代：「佢叫我同佢生個女，話生一個女就送一棟別墅，生兩個就兩棟！」梁敏巧聞言不禁倒抽一口涼氣問：「嘩，而家諗番係咪覺得好彩？」Tammy心有餘悸地回應：「係！好彩我而家冇懷孕，如果唔係我都唔知會有幾慘，都唔知點算！」
Tammy戶口剩餘20多元
識破假富豪真面目事小，最令Tammy崩潰的是跌入財務陷阱。郭總向Tammy借了3萬5千元交租及按金，更要求以女方名義簽約，得手後卻翻臉不認人。Tammy在鏡頭前展示手機理財截圖，崩潰痛哭：「而家我銀行帳戶只剩20多蚊，我嘅錢已經俾佢掏空晒！個衰人呃光我啲錢，而家雪櫃都冇嘢食，冇錢食飯，冇錢交租，我而家點算？」
梁敏巧街頭火爆對質
為了替事主討回公道，梁敏巧陪同Tammy與郭總當面對質。梁敏巧連環發炮質問：「簽租約嘅時候係用佢個名租嘅，呢個決定係佢自己定係你決定？」郭總即發難死撐：「我點逼佢？我攞槍指住你呀？」，又鬧Tammy係妓女「妳雞嚟呀，乜都講交易」。當梁敏巧追問為何刻意戴假貨及拿假磚頭人民幣炫富時，郭總回應：「我鍾意，保平安唔得呀？」、「關你乜事？」。但當梁敏巧要求他即場償還女方金戒指的二千多元時，他就馬上拒絕：「要法庭判決先得！」這場豪門夢，最終變成追債鬧劇。
相關閱讀：東張西望丨葵涌「三文魚姊妹花」街頭分「垃圾魚」 被爆賣畀街坊？ 街頭狂奔避追訪
