鄭嘉穎被嫌「冇出色」遭王羽棒打鴛鴦？王馨平為亡父平反揭分手真相 一見鍾情嫁富商恩愛如初
發佈時間：11:00 2026-08-22 HKT
90年代玉女歌手王馨平（Linda）與金融才俊丈夫Stephen結婚 25 年，一直恩愛如初，是圈中的模範夫妻。近日，王馨平作客資深傳媒人汪曼玲的YouTube訪談節目《快拍。曼鏡頭》，大方地談及目前的婚姻關係，她更為亡父王羽平反，親自揭開當年與鄭嘉穎那段被指遭「棒打鴛鴦」而遺憾告終的戀情真相。
王羽曾公開批評鄭嘉穎「冇出息」
王馨平入行後與同門師兄鄭嘉穎擦出愛火，這段金童玉女的戀情在當年轟動一時，卻一直不被外界及王羽看好。當時王羽曾公開批評鄭嘉穎「冇出息」，外界普遍認為是王羽的強烈反對與施壓，才導致這對璧人黯然分手。在訪問中，王馨平坦言這段感情最終走向終點並非因為爸爸的阻撓：「真係唔係daddy 影響，係最後大家越走越遠。」
相關閱讀：王馨平揭哥哥陳山河近況「有啲病」 談媽媽林翠決意離婚 王羽抱女痛哭：你哋冇媽咪喇
王馨平與鄭嘉穎分手並非遭父棒打鴛鴦
王馨平出身超級演藝世家，爸爸是武打巨星王羽、媽媽是影后林翠、舅舅為演技派曾江，哥哥是陳山河，頂著無敵星二代光環在90年代加入娛樂圈，憑一首《別問我是誰》紅遍中、台兩地，事業可謂一帆風順，不過王馨平入行不久與鄭嘉穎擦出愛火花。當時這段戀情不被外界看好，曾有傳這段關係破碎的最大原因，就是爸爸王羽的強烈反對，因他認為男方沒出息，有指他運用自己的影響力來打壓鄭嘉穎。最終「鄭王戀」抵受不住巨大的壓力，六年的感情亦隨風散去。王馨平曾表示當時爸爸已經表示入行後不可以和圈中人拍拖，所以不是因為鄭嘉穎，而是任何一個都不可以。今次王馨平在訪問上，亦再三表示分手並非被爸爸「棒打鴛鴦」，只是因為大家越走越遠，她更笑言在感情世界有執著的一面：「我有自己嘅主見，唔會因為人哋話王馨平好乖女，係因為daddy呢樣嗰樣，唔贊成就會點樣，我真係要話畀大家知，我唔係咁乖女的，特別係覺得我嘅感情，一定要我自己作主，如果衰咗就自己負責，冇理由要聽人哋嘅意見，去做自己嘅決定。」
王馨平與鄭嘉穎分手與現任丈夫相親
王馨平與鄭嘉穎分手後，在陳美齡母親的撮合下，與現任丈夫Stephen相親，她笑言起初以為對方會是「豬頭炳」，沒想到一見鍾情：「呢個真係緣份，之前冇諗過要咁傳統走去相睇，仲要可以成功。其實之前Auntie講咗幾次，我當然話冇可能，相親我係唔會去，佢都有呢個諗法，講咗好幾年都冇食過一餐飯，最後老土到唔可能再老套，真係長輩帶著。我還記得一行入餐廳，Stephen佢哋已經坐咗雖喺度，他見到我哋喺門口就行過嚟招呼我哋，我一見到佢企起身嗰一刻，我係有第六感，直覺就係呢個人。」最後因為Stephen體貼、平實、不浮誇的性格深深吸引了她，兩人交往僅一年便決定攜手步入婚姻。王馨平坦言與老公結婚25年來吵架不超過10次，再加上兩人三觀一致，都可以說是好朋友一樣，至於婚後為何不生育，王馨平說：「我哋都唔係好想要有bb嘅人，所以一開始唔係好努力去追求，到咗一段時間，覺得好似需要咪試試，最後搵埋醫生幫助，但都係唔得，我先生睇到我係好辛苦，所以佢就話算喇，最好彩係老爺奶奶都係非常開明嘅人，所以喺呢方面我係冇壓力，呢個係我最幸運嘅地方，我哋生活絕對係平淡，平淡係好，平淡是福。」
相關閱讀：鄭嘉穎舊愛王馨平突捲是非！疑被甄妮暗寸反骨 雙方曾鬧上法庭終斟茶道歉
