一周星星｜周星馳復出幕前留畀梁朝偉？ 劉嘉玲神助攻狂拉攏 星爺六字回應全場震撼
發佈時間：23:00 2026-08-16 HKT
TVB娛樂訪談節目《一周星星》，今集請來喜劇電影《功夫女足》導演兼編劇周星馳（星爺）、影后劉嘉玲、聯合導演林子聰及參演演員蔡思貝、張繼聰，接受嘉賓主持黎芷珊訪問，分享鏡頭背後鮮為人知的趣事。
周星馳無厘頭夠爆笑
能夠請到兩位「星級中的星級嘉賓」同框大駕光臨，芷珊直言深感榮幸，並笑問與星爺究竟多久沒見？星爺即發揮無厘頭本色：「冇幾耐啫，四十年度之嘛！」芷珊秒回：「我十歲嗰陣未做兒童節目。」這番話令不知道兩人曾一齊主持兒童節目的嘉玲姐驚訝高呼：「Oh my god！」星爺隨後再出招，指芷珊是看着自己入行，芷珊沒好氣地搞笑反擊：「佢嗰時係童星嚟嘅！」。
相關閱讀：功夫女足丨谷德昭撐周星馳新作評港人抵制行為：自己蝕底 用《奧本海默》比喻惹熱議
周星馳指劉嘉玲：冇當我導演
談到拍攝《功夫女足》的點滴，嘉玲姐問星爺為何不安排她落場踢波：「我年紀大呀？」星爺即指她為何不早點開口：「你嗰時問我做啲乜嘢？唔使郁㗎嘛？」嘉玲姐其後認真表態：「NG幾多次我都畀你NG，雖然我覺得自己好好。」不過星爺隨即「踢爆」對方極有主見，每當想向她講解一場戲如何演出時，她總會拋下一句：「唔使講喇！」嘉玲姐聽罷大反應澄清，強調自己絕不會如此對待導演：「雖然你係我朋友……」誰知未講完，星爺已搶着說：「你都冇當過我係導演。」此話一出，全場拍手爆笑。
劉嘉玲控訴周星馳
兩位巨星相識多年，互窒起來自然毫不客氣，但又不損友誼。嘉玲姐大舉「控訴」星爺私底下的作風，直指對方每次回答問題超級敷衍：「佢一啲都冇改到啊」、「答埋啲嘢都係嗰幾個字，答咗又好似冇答咁。」面對連番指控，星爺一臉無辜地為自己平反：「好真誠㗎！」場面相當惹笑。
周星馳梁朝偉有機合作？
宣傳片中，最震撼一幕是嘉玲姐突然提及另一半梁朝偉！她說：「其實我一路都想佢（星爺）同梁生……」此話一出，全場瘋狂起哄。芷珊興奮表示要靠嘉玲姐出馬幫手遊說梁朝偉，並順勢追問星爺有沒有可能，星爺霸氣表示：「冇嘢係冇可能！」全場拍手歡呼，為影迷留下無限遐想空間。
蔡思貝張繼聰被受冷落
至於同場的林子聰、蔡思貝及張繼聰，全程乖乖在旁「觀戰」食花生，當芷珊表示：「我要同三位傾吓偈先，我驚冷落咗你哋。」三人竟異口同聲地說：「唔使㗎！」蔡思貝更說：「好好聽呀」、「你哋繼續傾啦」。
相關閱讀：黃一山評周星馳「EQ不高」 被質疑長年借星爺博流量 細龜感謝伯樂：我從不拍馬屁
谷德昭撐周星馳新作：
