三孩母李婉華談陳凱琳兒子戲院風波 公開教仔六招：嘈就冇得睇 爆谷分三袋、嚴禁一物
發佈時間：19:00 2026-08-10 HKT
日前，香港小姐冠軍陳凱琳（Grace）的兒子在戲院內疑被「淋Cream」事件，引起全城熱議。事件起因據指是陳凱琳的三名兒子在觀影期間疑因喧嘩及踢凳，引致其他觀眾不滿，一名女觀眾在電影完場時涉嫌向其6歲二仔「淋Cream」洩忿，陳凱琳事隔一天報警備案。事件曝光後，除了該名女士的行為備受譴責，陳凱琳的家教方式亦成為網民討論的焦點。與陳凱琳同樣身為三孩之母的藝人李婉華，近日與劉雅麗於她們的YouTube直播節目《華麗邂逅》中，就事件分享了看法。
相關閱讀：陳凱琳育兒掀爭議狂被翻舊帳 搭電車霸位再引公關災難被批欠公德心 網民質疑扮貼地？
三孩之母李婉華教路 6招令子女安靜睇戲
李婉華與劉雅麗於節目中，除了譴責涉嫌施襲的觀眾外，更重點討論到「戲院禮儀」及分享自己的育兒心得，直言家長責任重大。李婉華育有一女及一對孖仔，她在節目中分享，當年三名子女年紀尚幼，每次帶他們看電影都是大挑戰。她以自己的做法為例，分享了6個帶子女入戲院時的實用貼士：
-
揀冇乜人坐嘅範圍
在買飛揀位時，李婉華會盡量避開人群，從源頭減少騷擾到其他觀眾的機會：「買飛嗰陣我會特登揀啲冇乜人坐嘅範圍，最好前又冇人，後又冇人，咁就可以少好多爭拗。」
-
入場前先「Briefing」
李婉華認為家長在帶小朋友入戲院前，有責任先教導好禮儀：「家長未入戲院呢，就應該要有個briefing（簡明指示）。」
-
犯規即離場
她會嚴厲地警告子女，若在場內有說話、進食時太大聲等行為，便會立即被帶離場作懲罰，絕不姑息，李婉華說：「喺戲院嘅時候呢，唔該你唔好嘈。嘈？邊個嘈邊個出去呀！你嘈呀嘛？你罰企喺出邊，冇得睇！」
-
避免進食嘈吵食物
為了不影響其他觀眾，她會禁止子女進食薯片等會發出過大聲響的食物，李婉華表示：「入到去我唔會畀佢哋食薯片㗎，爆谷都好啲，冇咁多聲。你入到去有啲開袋聲呀，又有啲『chak chak』聲，真係好討厭㗎！」
-
爆谷分三袋
為免子女在觀影時因傳遞食物而造成騷擾，她會請求戲院職員將一份爆谷分成三袋，每人一袋，減少不必要的動作和聲音：「買太多食物入去都係好麻煩，一係你買三包，唔好傳嚟傳去！好嘈㗎！所以我買爆谷，通常好大袋，我就話……唔該（職員）幫我分三袋，等佢哋唔使喺度傳嚟傳去。」
-
撳實子女雙腳防踢凳
針對今次風波中提及的「踢凳」行為，李婉華在觀影期間亦會高度戒備，時刻留意住小朋友的動作，甚至親自出手制止：「我好明白，我都好唔鍾意人踢我張凳！我嗰兩個仔細個又係非常難控制，直情要分開佢哋兩邊坐，我坐中間，隻手真係要撳實佢哋對腳，踢到一吓咋，即刻（向受影響觀眾說）『對唔住，我哋唔會再踢喇』，撳腳又撳手，唔好倒瀉爆谷唔該！」
相關閱讀：陳凱琳母子因戲院風波遭狠批 鄭嘉穎潛水被轟軟飯男 Grace粉絲：爸爸沒有責任教小孩嗎
李婉華說：「我明白做家長好辛苦！」亦明白小朋友會因興奮而難以控制，但作為家長的責任就是去教導和約束，互相尊重才能讓大家都有良好的觀影體驗。
