港客酒樓搭檯飲茶慘遇「點心刺客」？怒斥︰一放低幾隻筷子篤落去！網民分析1事成關鍵…

飲食

更新時間：09:00 2026-10-11 HKT
發佈時間：09:00 2026-10-11 HKT

在人多擠迫的香港餐廳，「搭檯」是用餐的常態，卻也容易因溝通不足而產生磨擦。近日，有網民在社交平台分享於假期到酒樓飲茶時，因一籠點心「被搶」，而與同檯食客發生爭執，事主事後發文詳述經過，事件在網上引起廣泛關注及熱烈討論。

酒樓飲茶慘被搭檯客「搶點心」！港客嬲到震︰問都唔問就篤落去

日前有網民在facebook「食在荃灣」群組上，以「假期真係唔好出街，人又多啲人又黐線」為題，分享了近日的經歷。事主表示，當日在酒樓飲茶需要「搭檯」，與不認識的一家人同坐，但隨後發生的一幕，令這頓午餐不歡而散。

點心上檯遭搭檯客秒篤事主：篤完叫我食？

據事主憶述，因為點心是即叫即蒸關係，他們落單後等了20分鐘點心才來到，怎料「當時個阿姐就咁將個點心放落檯面，冇出過聲話係邊個嘅，佢哋即時問都唔問就幾隻筷子一齊篤落去」。事主見狀立即出聲，表示點心應該是他們的。然而對方的一名女士隨即回應「我哋都有叫喎！」，事主立即反駁指，即使對方有叫，但他們已等候多時，並要求侍應前來釐清。

侍應其後確認點心確實屬於事主一方，但他形容，接下來的發展更令人錯愕，因該名女士竟說要「畀返我哋」。事主聞言嬲到震，直斥「你哋幾隻筷子篤完，你叫我食？我篤完你啲點心先再叫你哋食得唔得？」。最終，事主選擇離座結帳，並向老闆投訴，他認為搭檯客行為非常無禮，直言「飲茶飲咗咁耐，真係第一次俾人搶點心」。

網民反應兩極侍應1動作被指是關鍵

帖文一出，旋即在網上引起熱議，網民反應兩極。有網民對事主的遭遇表示同情，認為對方行為「唔會諗其他人」、「話畀返籠點心你，真係講得出口都算堅，根本唔係人講既說話黎」，並指出「正常人都會問清楚搞清楚先食啦」。有網民更建議事主勿再到要搭檯的酒樓飲茶，「點解要我對住個陌生人食嘢」。

然而，另一部分網民則認為事件中的侍應是關鍵人物，需負上一定責任。有留言指出「最大問題係出自阿姐，如佢放低時講明係屬正檯或A檯，便不會出現混亂了」。有心水清網民更點出一決定關鍵，「阿姐放點心嘅位置係重點，如果籠點心放落對方嗰邊，而對方又真係有叫，咁正常真係會起筷」。他們更認為，如侍應能清晰地將點心交到客人手上，或至少說明點心所屬，便可避免這場誤會。

資料來源︰食在荃灣