肥媽痛心張偉文狀況難忘坐輪椅唱歌 憶昔日與黎彼得黃霑吹水勁好笑 嚴厲呼籲炎夏勿行山累消防
更新時間：21:18 2026-08-09 HKT
發佈時間：21:18 2026-08-09 HKT
發佈時間：21:18 2026-08-09 HKT
字體大小
《星島頭條》早前獨家報道張偉文在老人院被疏忽照顧的情況，肥媽得知事件後指已將方俊的電話交給社福局副局長及演藝人協會。今日（9日）肥媽帶同愛犬Ella到港台受訪時，她表示已將電話交給相關人士，自己也可放心，現在最重要是有人去照顧他，肥媽指一直與方俊有聯絡，又憶起之前去睇張偉文坐輪椅唱歌的情境，她指自己坐到一半就走了：「我係心痛，聽聽吓我唔得，我流眼淚，我係未見過張偉文坐輪椅唔行得嘅樣，佢好似我死咗嘅阿哥，真係一模一樣樣，所以好痛心，咩都好，最緊要佢本人好。」
肥媽傷心唯一的偶像葛蘭離世
至於《星島頭條》早前再率先爆出76歲的殿堂級填詞人黎彼得因病離世，肥媽指兩人雖沒合作過，但自己很欣賞對方寫的詞，將很多小人物的心聲寫出來又有共鳴：「你淨係睇《打雀英雄傳》，邊個寫到？啲歌詞你係睇到個畫面，真係好犀利！」她又笑言以前很喜歡與黎彼得和黃霑一起吹水，內容大都「咸咸哋和粗粗地」，又指與兩人傾偈好好笑，最重要的是大家能互相「交波」，所以最喜歡跟他們兩個傾偈。對於黎彼得離世，肥媽坦言感可惜，又指自己唯一的偶像葛蘭最近也離世，更大讚對方是天后：「人生就係咁，有舊嘅去新嘅嚟，係可惜嘅，好多時啲人話長江後浪推前浪，我哋而家好多人都睇前浪，唔該後浪快啲起，你哋要對自己有信心，要大膽啲湧上嚟！」
肥媽改跳健康舞
另外，肥媽指現在家中有養了6隻狗狗及4隻龜，當中有5隻大狗體重更超過50公斤，她指最近因天氣太熱，為免愛犬及工人姐姐中暑，所以放狗時間放為日出及日落後，又透露家中農田種植的菜也因太熱「燶晒」，自己原本也會行山，但現在就改成在家跳健康舞，又呼籲大家在炎熱的天氣下不要行山，因若中暑就會累及救傷員及消防員。
