chill club頒獎禮2026丨駱振偉懶風趣主持風格被批災難級網民狂負評盤點N宗罪尷尬到唔想睇？

更新時間：16:30 2026-05-04 HKT
發佈時間：16:30 2026-05-04 HKT

新秀出身、曾任空少的駱振偉（Thor），自10年前加盟ViuTV後，機會接踵而來，獲公司力捧主持節目兼拍劇，更在多個大型節目上亮相，甚至擔任司儀一職。不過駱振偉繼早前在《第44屆香港電影金像獎》上獻唱，遭網民質疑「咪嘴」後，昨晚（3日）在《CHILL CLUB推介榜年度推介25/26》上的表現，同樣被網民嘲多懶音又「老套」，直指駱振偉任司儀「好尷尬」、「真係唔好笑」。

駱振偉接受建議態度照舊

ViuTV年度音樂盛事《CHILL CLUB推介榜年度推介25/26》頒獎典禮昨晚舉行，駱振偉的司儀表現引發網上洗版式的討論。不少網民認為駱振偉的主持風格過時：「真心建議，Thor可唔可以唔好再『林。家。謙』、『黃。偉。文』咁樣講人名，好old school 好kam呀」。駱振偉回覆網民：「多謝你真心建議，『駱．振．偉』收到你，Im old school」。

駱振偉懶音問題嚴重

獲大量網民認同駱振偉表現出事：「仲要懶音超勁，靠把口搵食的真係要改下啲懶音啦」、「一早覺得佢尷尬」、「成個台最怕就係睇佢」、「佢做MC真係唔合適，個場氣氛熾熱咗，佢竟然叫大家靜啲。MC唔係應該搞氣氛嘅咩？」

駱振偉亂開玩笑惹反感

駱振偉在頒獎典禮上，又多番用「冇星到場」開玩笑，引來觀眾反感，認為這種玩笑非常不專業，留言稱「成晚到而家，有一半時間都係度講邊個冇嚟」、「不停抽冇嚟嘅歌手水」。

相關閱讀：駱振偉否認離婚涉及第三者暫未想開始任何一段新關係感謝家人無畀壓力

41歲的駱振偉畢業於香港理工大學。曾在2004年參加「Teen Power Freshmen 選拔賽」奪冠，之後加入香港電台工作，直到2006年離職，轉做空少。駱振偉2007年參加英皇新秀歌唱大賽，獲得金咪大獎，直到2010年成為大國文化旗下藝人，並加盟Now TV，2016年轉投ViuTV，主持多個重點節目。