康堤初嘗慢歌探討珍惜與放手自認參透歌詞有難度獲父親陳奕迅社媒晒MV劇照力撐

更新時間：21:45 2026-04-30 HKT
發佈時間：21:45 2026-04-30 HKT

康堤(CONSTANCE)一直以多變的音樂風格面貌示人，日前推出新歌《要還》首次挑戰慢歌，新歌與師兄Gordon Flanders 共同作曲，黃偉文填詞，Eason YH Chan 編曲及監製，將生命的本質濃縮成一場「借用」的溫柔修行。新歌探討人生中所有看似擁有的東西，從物質世界到個人意志，由青春年華到人生閱歷——本質上都是向世界「借」來的。既然是借，終須一還。

康堤學會豁達面對生命

年紀輕輕的康堤亦分享這份歌詞對她來說有點深奧：「我覺得呢首歌未必聽一兩次就能夠完全參透到，我自己都沉澱咗好耐、反覆睇咗好多次歌詞，我先明白呢首歌嘅意思，因為呢首係我第一首比較慢嘅抒情歌，Wyman覺得可以寫得成熟啲，歌詞開首已經講岀主題：我哋擁有嘅一切，其實都只係「借用」。無論係物質、身體、青春，定係眼前嘅風景同經歷，終有一日都要歸還，當我哋明白世事都係「借用」、冇辦法永久保留嘅時候，反而更能學會豁達面對生命。」

康堤明白應該珍惜每一分每一秒

雖然歌曲觸及「生與死」這種沉重題材，但《要還》傳遞的並非消極情緒，正因為一切皆有期限，所以更應珍惜當下的每一分、每一秒。學會珍惜的同時，更要學會放手，才能對所有事情豁然開朗。康堤亦有分享：「我覺得呢首歌令我認為我哋都應該更珍惜每一分每一秒、每一刻同人相處或者我哋經歷緊嘅事，但係學會珍惜嘅同時，亦都因為到最後所有嘢你都係帶唔走，所以都要學識放手。」