TVB「最佳男配角」做物理治療師教長者預防冬日痛症曾共事同行爆料對病人做一事惹熱議

更新時間：16:00 2026-01-10 HKT
發佈時間：16:00 2026-01-10 HKT

41歲的林景程（King）畢業於香港理工大學物理治療學系，並取得物理治療師的專業資格，卻為追演員夢，放棄物理治療師工作，至今加入TVB已經16年，去年終捱出頭，在《萬千星輝頒獎典禮2024》憑《反黑英雄》首奪「最佳男配角」。林景程近年將物理治療工作變為副業，不時在社交網分享預防及伸展運動心得，近日的一條帖文，獲網民大讚是專業又貼心的「暖男」。

林景程提醒長者保暖

林景程有見近日本港受寒流襲擊，多區氣溫跌至12度以下，林景程前日（8日）在IG發文，提醒長者記得保暖，以預防冬日關節痛症。林景程留言：「近排物理治療工作上，遇見多咗長者出現突發性嘅關節痛，或者活動能力差咗嘅情況，其實可能係同天氣凍咗有關嘅。」

林景程指出：「天氣凍咗，除咗容易病之外，關節同肌肉嘅溫度都會降低咗，當肌肉溫度下降，血管會收縮，氧氣和養分供應會少咗，肌肉嘅攝氧量亦會低咗，活動表現通常都會變差。」林景程專業地解釋：「溫度低亦會令關節液變黏，潤滑功能差咗，就會令關節活動嘅時候更加唔順。尤其係本身患有膝部退化性關節嘅長者，呢啲情況可能會更加明顯，記得提身邊嘅長者要好好保暖」。