失婚艷星移英失敗後處處碰釘回流返港搵工慘被壓價借工作屢傳露體照兼食「免費餐」

更新時間：17:04 2025-12-10 HKT
發佈時間：17:04 2025-12-10 HKT

47歲落選港姐林雅詩（Grace）入行多年，無論情路抑或事業發展並不順暢，出道不久曾拍過不少艷情片兼主持成人節目，其後嫁拍拖3年的鋼閘商人溫文英並育有一子溫兆傑，惜因老公遭揭發出軌而結束10年婚姻，多年來以單親媽媽身份照獨兒子，早年一度傳撻着經理人馬天樂，無奈男方於2020年被揭「偷食」助手兼做老竇。

林雅詩搵工竟然收到露體狂的相

情路坎坷的林雅詩在2022年決定移居英國與兒子及家人團聚，她曾說︰「從前太複雜，做回普通人簡單過生活。」可惜新生活未如想像中順利，寄出逾30封求職信，連洗碗工都冇回音，搞到林雅詩多次公開放負，最後索性回流返港。今日林雅詩又爆SEED開PO，搵工期間竟然收到露體狂的相。

林雅詩近年不時在社交平台放負

林雅詩近年不時在社交平台放負，試過搵工不成而自我人格極低，反而收到大量性騷擾信息，她曾透露不時收到不雅照：「我收到很多粉絲留言私訊給我，我明白你們的窩心，但真的不喜歡收到一些，令我嚇驚的照片，過分裸露照片令我很不安，希望自己可以尊重自己多點也給我一些尊重！」

林雅詩搵工遇變態狂

昨日林雅詩又再爆SEED留言：「而家環境已經唔係咁好，想搵個job又要俾人壓價，又要可能冇錢收，有啲人扮有工作搵你聯絡你，諗住有個希望搵多一蚊得一蚊啦，點知原來係想搵你傾吓偈唔知博乜？博乜大家心知肚明啦，仲要諗住免費！X街嚟㗎！跟住就send埋啲露體狂嘅相咁即係點呀？當然我有block咗佢啦，但係佢又用另外一個Account再開返呀嘛！唔好再蝦我個女人仔啦！我都搵份正職馬死落地行！發洩完畢！謝謝！」

相關閱讀：47歲林雅詩曝光童年照如媽媽濃縮版曾拍艷情片舉家移英呻洗碗都唔請

↓立即下載星島頭條App↓