盧海鵬開騷玩即興無歌單 曾被批過唔到「79」靠周潤發帶跑打破 重提許紹雄離世倍感觸 : 師兄嚟！
更新時間：18:45 2025-11-11 HKT
發佈時間：18:45 2025-11-11 HKT
發佈時間：18:45 2025-11-11 HKT
字體大小
「扮嘢天王」盧海鵬（鵬哥）將於2026年1月27日在文化中心舉行一場《鳴金收咪演·唱會》，鵬哥今日（11日）出席記者會，雖然已年屆83歲，但戴黑超出場的鵬哥依然風趣，更將其經典名句改成「盧海鵬試咪，演唱會係威」。
鵬哥靠周潤發跑過79歲
會上，鵬哥老友楊紹鴻指有相士曾批鵬哥過不到79歲，鵬哥指79歲時身體很多病痛，冇聲又冇氣連行路都腳軟，周潤發（發哥）表示帶他跑過79歲，而自己就過到今時今日，又表示：「人梗係要過，不過好難講，好像許紹雄一樣，突然間入醫院就話死。」對於要唱兩個多小時，他指「得唔得都要唱，唱成晚都得，最多唱到冇聲！」又指今次也會有很多好朋友來撐場，但未知好友周潤發、老闆古天樂是否會來，又表示今次沒有歌單，全晚玩即興唱。
鵬哥解釋「收咪」只代表不講粗口
對於演唱會名為「收咪」，鵬哥受訪時指「收咪」並非代表「收山」，今次的收咪只代表不講粗口，他指今次開騷會狂唱歌，因演唱會以唱歌為主，故不會在舞台上重現過往的經典角色，笑言自己「就咁都可以扮嘢！」更即場唱了幾句《幾許瘋語》，雖然不會花時間在造型方面，但依然會唱跳，而歌單也在腦海中，因為隻隻都是飲歌，至於歌衫方面亦一定要隆重，要全部珠片，問他到時會否突然在台上「試咪」，他表示要看心情。
鵬哥指嘉賓見到邊個捉邊個
至於會否找發哥跑步練氣？鵬哥指最近已沒有跟對方一起跑步，不過自己每日都有以跑步來鍛鍊身體，更指跑步後沒病過，就連糖尿也好返，更謂最近檢查的時候，糖尿指數報告也很靚：「唯一係隻眼比較論盡，其中一隻盲咗，另一隻望嘢好矇，平日行路都要慢慢行，驚仆倒，要快都可以好快，不過睇心臟負唔負得起。」至於嘉賓方面，鵬哥指到時見到誰就拉誰上台，至於是會召集圈中一眾老友參與？他說：「平時都有聯繫，除非走咗冇得講。」對於他剛才提起已離世的許紹雄時有感觸：「梗係，（TVB藝員訓練班）師兄嚟！」
最Hit
六合彩三獎得主集體「上水」！Threads驚現中獎潮 幸運兒揭開中獎玄機｜Juicy叮
2025-11-10 14:10 HKT
《愛回家》男星太太第三度懷孕 三年抱三養子女花費不菲急搲撈 網民：係咪要結紮？
2025-11-10 12:30 HKT