李彩華享受跟不同小鮮肉約會 想參加《女神2》怕全部都啱 生日願望搵到另一半及有更多曖昧
發佈時間：16:45 2025-11-11 HKT
李彩華今日（11日）到青衣出席活動，更在現場即席示範煮海鮮，適逢今日是李彩華42歲生日正日，她指生日能有工作搵錢好開心，今晚就會再約朋友慶祝，笑指她生日有八舊腹肌男相伴，她指朋友都很勁，日後也要努力地找身形像這樣的「小鮮肉」，她又直言現在正跟不同的小鮮肉約會，不過暫時未找到適合做男朋友的人：「而家好多人嘅戀愛態度都唔一樣，識到啲男仔可能淨係好想玩，唔想拍拖同負責任，有啲又好似太痴纏，要揀返啲中間啲嘅。」她謂反正自己不急着拍拖，故現在先用時間跟他們相處，因最初約會可能覺得不錯，但之後又會認為好像是自己不想要的東西，更笑言：「有啲太Chur，極快要確認關係，要攬你咁，我又覺得太快，有啲就慢熱，好似一碌木咁蠢蠢地咁，好極端！」對於擇偶要求，李彩華坦言只要夠18歲就可以，又表示一開始需要慢，但又要有感覺，需要有反應但不能太激烈，問她會否想參加《女神配對計劃2》？她說：「我都想㗎，我都想感受吓，有時好甜蜜，但我最驚全部都啱，好難揀，都係要時間。」
李彩華覺另一半有壓力
她又透露自己約會的人中真的有00後：「唔同年齡有唔同年齡嘅開心，（年齡）大個啲嘅真係感覺唔係太一樣，我細個可能鍾意啲成熟哥哥，哥哥有哥哥好，弟弟就更加好，可能成件事會啲Sweet啲，青春啲嘅感覺。」她又坦言現在享受被追求的過程和曖昧，不過認為男仔覺得與他一起的壓力很大，所以覺得想追求自己的男仔也有一定的勇氣：「啱啱接觸一、兩次之後佢哋可能覺得會有好大壓力，可能出街會俾人望住，我又覺得唔使咁大壓力，放鬆啲！」至於生日願望，她笑指也是希望找到另一半及有更多的曖昧。
李彩華讚陳敏之和周勵淇各有各靚
提到工作，李彩華指下星期將會到佛山開騷之餘，正在籌備新歌，今次是成都Rapper幫忙製作，因為自己以前的歌太少女，不太喜歡，自己喜歡有節奏感的歌。至於她曾表示希望嘗試寫劇本，她表示比較難，雖然有故事，但仍要加減，更指在約會的時候見到有趣的事情也會加落劇本中。對於經常被網民認錯是陳敏之和周勵淇，李彩華就表示大家沒見過真人，睇相可能會有點相似，但真人各有各靚：「我哋都係美女，美女先會俾人覺得相似，唔緊要啦，最緊要大家覺得開心。」另外，海俊傑哭求大家幫忙其太太莫家慈換肝的醫藥費，李彩華表示不知情，兩人雖然很久前曾合作，但已沒聯絡，不過也希望他的太太可以快點好返。
