周吉佩簽器官捐贈卡要跟太太及小孩交代爆囡囡怕爸爸會死抗拒坐飛機曾計劃出埠一帶一分開航班

影視圈

更新時間：17:15 2025-11-08 HKT
發佈時間：17:15 2025-11-08 HKT

周吉佩（吉吉）指自己很細個的時候已簽了器官捐贈卡，但笑言因多次換銀包，所以該卡也不知去了哪裏，今次來到活動，喚醒他要檢查一下自己是否仍然有該戶籍。吉吉指以前簽的時候只為自己交代，現在要為太太和小朋友交代：「如果Touch Wood我有咩事離開咗，身後事應該係小朋友處理，可能要教佢哋呢樣嘢，真係要同佢哋傾，不過我覺得佢哋咁細未識處理。」

吉吉佛山開騷家人坐高鐵支持

他認為要向小朋友灌輸捐贈器官是很有意義的事，但自己則未談論過，因現在10歲的女兒很怕爸爸會死：「因為我坐飛機，佢每次都好誇張，好似上演一幕戲咁，我出門口佢知我去其他地方，就會攬住我話「爸爸可唔可以唔坐飛機，我好驚你死！」可能啲朋友會講坐飛機高危，我同佢講唔係，唔好有錯誤觀念！」又指女兒每次知他離開就會喊一輪，故認為若要現在跟她談論器官捐贈這個話題，對她來說會很沉重，又爆女兒因不敢坐飛機和怕死，連學校交流團也不去。吉吉又指曾經與太太談論過，如果一家人去旅行坐飛機，是否要一個帶一個小朋友分開航班坐，因若發生意外，不會全家人出事：「以前唔驚，有乜所謂！而家有家庭，會擔心！」稍後吉吉將會在佛山開騷，他指會全家人出動，因為今次坐高鐵。

↓立即下載星島頭條App↓