張與辰自認似燒豬未敢騷肌 : 操練進度追唔切食嘢速度 Eric Kwok指XiX新歌反應佳暫脫解散危機

影視圈

更新時間：18:45 2025-11-07 HKT
發佈時間：18:45 2025-11-07 HKT

張與辰、郭偉亮（Eric Kwok）、XiX及黃洛妍等今日（7日）出席節目《唱錢》拜神，張與辰指今次要考音準和拍子，對自己來難度高，笑言緊張過參加《中年好聲音》，因唱得好就幫粉絲贏獎金，否則會脫粉。提到即將在亞博開跨年演唱會，他表示今次會有更多預算，所以歌衫會比上次LED歌衫和盔甲更勁，問到會否是「皇帝的新衣」，他笑說：「要努力操，暫時未得，而家上台同隻燒豬差唔多，肥騰騰，之前817（演唱會）都試過操，不過進度追唔切食嘢嘅速度。」

XiX取笑Eric Kwok驚冇得撈

身為節目主持及音樂監製的Eric Kwok帶同女團XiX成員楊秉頤及良玳瑩出席，他透露節目花了一年時間籌備，因節目音響測試系統是由TVB研發，可即時測試音準和拍子，故帶同XiX來體驗。提到今日XiX只有兩成員出席，Eric Kwok表示另外兩名因返學缺席，對早前唱片公司指XiX若成績不好要解散「一曲定生死」，Eric笑指「未死得！」因新歌反應不錯，受年輕人歡迎，可以繼續撈，不過他坦言做這行也是曲曲定生死，每次出歌也是一個關口，帶出這話題只是想更多人注意，又笑指她們不怕「冇得撈」，因她們學業最緊要，而XiX兩成員就取笑Eric Kwok是最驚冇得撈得一個，Eric Kwok否認：「我都唔驚，因為冇得迫，唔同韓團密集式操練，同佢哋磨合兩三年，有啲默契。」

↓立即下載星島頭條App↓