安德尊公開認愛宋芝齡？遭林嘉華逼供誤洩戀情 催明年擺酒「蝕硬」仍自掏腰包返港出席
發佈時間：14:13 2025-11-05 HKT
有「TVB鑽石王老五」之稱的64歲「大王」安德尊多年來主持婦女節目，更是《流行都市》的主持「鐵膽」，除了和「世紀天敵」李錦聯的「無敵鴛鴦剷」經典畫面外，安德尊與宋芝齡「情侶檔」形象更加深入民心，兩人的緋聞傳足多年，「戀人」關係疑幻疑真，雖然多年來未有正式承認關係，不過早已被外界視為一對！
林嘉華追問安德尊的戀情
不過近日事情似乎有轉機，感情生活成謎的安德尊終於認愛！昨晚（4日）TVB娛樂新聞台的訪問上，林嘉華作客安德尊主持的節目《流行都巿》分享近況。 林嘉華追問安德尊的戀情，林嘉華笑稱如果安德尊擺酒，就算「蝕硬」都自掏腰包都會返港出席：「咁我要搵埋佢另一半問下先，係邊個？」安德尊笑認另一半是宋芝齡。
相關閱讀：宋芝齡傳獲緋聞男友安德尊打本擴充補習社？ 被封TVB「隱形富婆」澄清靠自己：發神經
林嘉華追問安德尊幾時成家立室
林嘉華和安德尊老友鬼鬼，雖然林嘉華近年不少時間在加拿大生活，但依然很留意香港發生的事：「我睇到好多消息成日話你同邊個邊個（安：宋芝齡？又係佢？）我唔知呀，（安：我一陣介紹宋芝齡你識！）我哋識架，（安：你覺得佢好唔好先？）我覺得佢好唔好重要，最重要係你覺得佢好唔好，（安：我覺得佢一般！）而家追問大王嘅問題，係佢幾時先覺得要成家立室，如果你真係同佢一齊，我可以畀啲秘笈你。」安德尊笑笑說：「我唔要呀，唔要你個秘笈，留番第二個先。」
宋芝齡安德尊多年來似十足歡喜冤家
林嘉華又稱這個問題永遠都得不到答案：「你應承我哋，喺2026年會唔會有一個明朗啲嘅答案？因為而家啲嘢好混濁，（安：你返唔返嚟香港先？）你如果擺酒我實返，冇人工、冇片酬我都返，仲要做人情，蝕硬，咁我要搵埋佢另一半問下先，係邊個？」安德尊笑說：「仲要問？佢走咗喇」湊巧宋芝齡已經離開，林嘉華笑問：「佢哋有冇承認過？（安：講咋喎？）講就係喇，大王講嘅嘢就係真，佢自己承認咗喇！」宋芝齡安德尊多年來在鏡頭前似十足歡喜冤家，不時鬥咀兼動手動腳，但轉個頭又可以攬頭攬頸，已經深得觀眾受落，連黑妹李麗霞都曾說：「我識安德尊咁耐，我未見過佢同一個女性嘅朋友有咁親密嘅行為，第一次咋細佬。」
相關閱讀：宋芝齡安德尊終「開花結果」拜堂成親？ 收長輩order要日日夜夜密密做
