有片｜女童匿睡房拍片求救「我屋企人開始癲」 家人拍枱爆粗： 讀屎片㗎你
發佈時間：19:50 2026-10-22 HKT
網上今日（22日）流傳兩段影片，片中一名女童淚眼汪汪拍片向網民求救，聲稱家人「發癲」，要求大家可以向她伸出援手，其間女童的家人不斷發狂拍打房門，其後一名中年漢又向女童連珠炮發，粗口橫飛：「叫你起身返學唔啱㗎？係錯㗎？Ｘ你老Ｘ，讀屎片㗎你」多名網民擔心女童的安危，立即致電女童就讀的學校了解，又揚言要報警求助。《星島頭條》正就事件向警方、女童就讀的學校了解。
今日有網民在社交媒體發文，並附上一個Instagram連結，留言道「個妹妹好似要人幫手 有冇人識佢」。有關連結雖已失效，但有網民將女童上載的影片「留底」。根據第一條影片所見，一名大約12至13歲的女童躲在房間內拍片求救，她雙眼通紅，躡手躡腳，細細聲表示：「大家我需要你哋幫手，我屋企人開始癲，我今日只不過一返到嚟，補習社......」其後有一把中年婦女的聲音從後響起，對方不斷大力拍門，要求女童立即出來，嚇到她目定口呆，只能說一句「好鬼恐怖」。
另一段影片則見到，牆上的掛鐘為7時20分左右，一名戴眼鏡的中年男子在客廳向女童咆哮，指她不懂分對錯，甚至幼稚園小朋友都比她聰明，「你覺得自己好啱呀？同你衰老母一樣X家鏟，我搵返嚟嘅錢都係有血有汗，唔係跌落嚟㗎，唔係執返嚟㗎，好聲好氣同你講，你發我脾氣？叫你起身返學唔啱㗎？係錯㗎？Ｘ你老Ｘ，讀屎片㗎你」。片中男子非常憤怒，不斷拍枱發洩，其間一名中年婦人在鏡頭面前行過，而女童不發一言只能不停啜泣。
影片引來多名網民熱烈討論，大部份人擔心女童會被家人虐待，又希望女童可以「上水」報平安，惟有人上載一張IG截圖，指女童事後到醫院驗傷。有人認出女童就讀黃大仙一間學校，隨即致電學校了解。有網民聲稱校方已知悉事件，但詳細的處理方法則不得而知，「其實父母要諗清楚先好生，唔好害下一代」、「睇得出妹妹好驚」、「家長唔好用暴力解決問題」、「救人一秒都不能遲」、「妹妹驚懼的臉孔，好讓人心碎」、「感受到個女仔個無助」、「好慘好無助」。
