安德尊公开认爱宋芝龄？遭林嘉华逼供误泄恋情 催明年摆酒「蚀硬」仍自掏腰包返港出席
发布时间：14:13 2025-11-05 HKT
有「TVB钻石王老五」之称的64岁「大王」安德尊多年来主持妇女节目，更是《流行都市》的主持「铁胆」，除了和「世纪天敌」李锦联的「无敌鸳鸯铲」经典画面外，安德尊与宋芝龄「情侣档」形象更加深入民心，两人的绯闻传足多年，「恋人」关系疑幻疑真，虽然多年来未有正式承认关系，不过早已被外界视为一对！
林嘉华追问安德尊的恋情
不过近日事情似乎有转机，感情生活成谜的安德尊终于认爱！昨晚（4日）TVB娱乐新闻台的访问上，林嘉华作客安德尊主持的节目《流行都巿》分享近况。 林嘉华追问安德尊的恋情，林嘉华笑称如果安德尊摆酒，就算「蚀硬」都自掏腰包都会返港出席：「咁我要揾埋佢另一半问下先，系边个？」安德尊笑认另一半是宋芝龄。
相关阅读：宋芝龄传获绯闻男友安德尊打本扩充补习社？ 被封TVB「隐形富婆」澄清靠自己：发神经
林嘉华追问安德尊几时成家立室
林嘉华和安德尊老友鬼鬼，虽然林嘉华近年不少时间在加拿大生活，但依然很留意香港发生的事：「我睇到好多消息成日话你同边个边个（安：宋芝龄？又系佢？）我唔知呀，（安：我一阵介绍宋芝龄你识！）我哋识架，（安：你觉得佢好唔好先？）我觉得佢好唔好重要，最重要系你觉得佢好唔好，（安：我觉得佢一般！）而家追问大王嘅问题，系佢几时先觉得要成家立室，如果你真系同佢一齐，我可以畀啲秘笈你。」安德尊笑笑说：「我唔要呀，唔要你个秘笈，留番第二个先。」
宋芝龄安德尊多年来似十足欢喜冤家
林嘉华又称这个问题永远都得不到答案：「你应承我哋，喺2026年会唔会有一个明朗啲嘅答案？因为而家啲嘢好混浊，（安：你返唔返嚟香港先？）你如果摆酒我实返，冇人工、冇片酬我都返，仲要做人情，蚀硬，咁我要揾埋佢另一半问下先，系边个？」安德尊笑说：「仲要问？佢走咗喇」凑巧宋芝龄已经离开，林嘉华笑问：「佢哋有冇承认过？（安：讲咋㖞？）讲就系喇，大王讲嘅嘢就系真，佢自己承认咗喇！」宋芝龄安德尊多年来在镜头前似十足欢喜冤家，不时斗咀兼动手动脚，但转个头又可以揽头揽颈，已经深得观众受落，连黑妹李丽霞都曾说：「我识安德尊咁耐，我未见过佢同一个女性嘅朋友有咁亲密嘅行为，第一次咋细佬。」
相关阅读：宋芝龄安德尊终「开花结果」拜堂成亲？ 收长辈order要日日夜夜密密做
