前港姐冠軍6歲細仔狂喊急送院 身中「2隻病毒3隻菌」病情怪異 親人須按其患處被嚇壞
發佈時間：19:00 2025-11-02 HKT
現年37歲的前港姐冠軍張名雅（Carat），日前戴住口罩表情極疲憊求醫，令人擔心其健康，她上載一張「媽媽就是犀利代名詞」的照片，似乎是想表達因為湊仔太辛苦而抱恙。張名雅9年前與律師男友蔡錦豪（Joe）結婚，婚後兩年抱兩，育有7歲大仔蔡浚鏗（Mario）和6歲的細仔蔡俊軒（Milo），張名雅今日表示，自己需要求醫是因為2位小朋友齊齊病倒，自己亦被傳染；而細仔Milo更加病情怪異需要即時入院，經診療後發現「中咗2隻病毒3隻菌」，非常嚇人。
張名雅細仔病得手腳抽筋
張名雅近日更新IG限時動態，講述近期兩位兒子齊齊病倒，她亦因為要照顧愛兒，自己亦不幸中招。她於IG上載4張照片，看到其細仔Milo多個病容，一張是他戴上口罩累得睡在親人胸膛，另一張則正在大喊，同時被按實手掌，而另一張就見到他額上貼着退熱貼，自己正在「撩鼻」。原來Milo不幸染上流感，嚴重得發生手、腳抽筋的情況，可憐的Milo一路抽筋一路驚到大喊，親人就幫手按實他抽筋的地方。
相關閱讀：前港姐冠軍驚爆入院求醫 一臉病容手持睇症條碼令人心痛 轉換身份加湊仔捱到病？
張名雅和兩名兒子齊病倒
張名雅表示：「（哥哥Mario）之前中咗Flu A...點知細佬仔仲無啦啦手指抽筋，抽完手，腳都抽筋...真係嚇親人。嗱嗱臨帶佢入急症，入醫院住咗一晚，抽血，撩鼻撩喉嚨，照肺，原來係中咗2隻病毒，3隻菌，最高發燒發到39.8度。之後我就梗係...中埋啦」。但最緊要是張名雅指現時「Mario同Milo已經好返了」，並多謝各位關心。
張名雅叮囑粉絲好好保護家人
Milo在流感季節不幸身中「2隻病毒，3隻菌」，而令身體產生抽筋現象，的確令張名雅一家十分擔心，所幸是兩兄弟已經痊癒，相信張名雅可以放下心頭大石，她最後叮囑粉絲：「流感季節大家要小心好好保護自己保護小朋友啊」。
相關閱讀：37歲前港姐冠軍驚爆工人姐姐離譜事 兩傭人半裸躺床做一事 不願起床靠奇招解決
