90年代尖東「技師」爆圈中男星「按摩」秘聞 網民猜港姐「靚仔」老公被富婆女藝人包養嫌疑人
發佈時間：09:00 2025-10-30 HKT
網台節目《情感關注組》近日一集搵90年代尖東「技師」爆料，揭開名人紅星不為人知一面。受訪者公開當年「服務價目」外，更有「姊妹」遇過「假富豪騙財色」，其後又爆料多名男星搵「技師」百態，當中更提到一人曾被富婆女藝人包養，兩位主持子羽及Ho C露出驚訝表情。
假富豪騙財騙色
尖東「技師」最初爆料，曾有一個人扮新加坡遊客，專呃歡場女子金錢：「佢住酒店打嚟話住幾號房，想搵個按摩上嚟，話要最靚最紅嗰個，最紅嗰個咪上去囉。上咗幾次以為搵咗個水魚，佢好彩發現得早，如果唔係人財兩空。」
相關閱讀：W姓大胸女歌手做小三掀娛圈恐慌？ 網民「頭號嫌疑人」終回應再惹熱議
尖東「技師」指當時「騙徒」因為嗌上房，與在店內的時間有所不同，外出要三小時起跳，對方每次付5,000元，卻沒有「深入交流」，加上外表靚仔，又多次回頭光顧，之後更加錢至1、2萬元。其後「騙徒」表示想帶女方去新加坡，想問她攞錢，最終因為「騙徒」到多個高級桑拿場行騙而被捕。「技師」指「騙徒」是香港人扮新加坡遊客：「呃啲女投資，（有冇聽過最多呃幾多？）幾百萬囉，以前一層樓都係幾廿萬，6、7百呎。」
富豪被爆孤寒
提到有不少名人、紅星光顧，尖東「技師」爆料指有一位女伴多數來自內地的富豪好孤寒：「佢好衰，呢個有錢佬孤寒到不得了。佢同啲女出去所有嘅首飾都係借畀佢戴，就算去到跑馬地高級餐廳食嘢，同女去都係嗌一份兩個人食。」
尖東「技師」續指富豪幫襯時要求要靚，女方諗住富豪有錢：「乜都同佢玩，（富豪）玩完之後唔肯畀錢喎！之後喺房嘈囉，之後佢話（富豪）『你唔知我係邊個咩？』佢話我知你邊個都要畀錢㗎！唔驚我唱衰你呀？佢話（富豪）『你咪唱囉，係人都知我衰㗎啦！』最後扔低3嚿水。」最後經理安慰女方「當俾鬼壓」，從此將對方列入黑名單，沒想到富豪再到訪。
港姐前夫好斯文
尖東「技師」之後大讚一名人斯斯文文，前妻是港姐：「好好人，冇乜要求，但貼士好高。唔出聲唔講嘢，你幫佢整就整，唔幫佢又唔會話你，整咗會畀貼士。如果你搞佢，佢又畀你搞，你唔搞佢，佢又唔會發脾氣，佢好斯文唔會掂你。」
主持子羽要求講幾個明星，尖東「技師」再爆料「呢個model嚟嘅」、「靚仔」、「有做戲」、「佢老婆係model」，兩位主持分別估「姓王」、「姓任」，尖東「技師」只報以笑聲，指對方要身材好的後生女，好多要求，如不滿意會退貨：「個口又衰，手又衰，上下其手囉。」女方見男星麻煩又多要求，提出要加錢，男星初時表示沒問題，但事後卻只給予基本的500元。尖東「技師」又爆男方時間長，又不肯加錢，導致眾人不願服侍，之後再提供線索「有仔女」、「拍過好多片」。
「靚仔」男星身份易估
而另一個「靚仔」男星曾經被女星包養，男方「好快」，線索有「佢太太係香港小姐」、「佢老婆幾惡」、「又白淨」、「兩粒酒窩」、「佢好斯文」，包養男星的女星「做電視」、「演阿媽角色」，主持好快已估中身份，尖東「技師」更爆兩位男星尺寸。
由於尖東「技師」在節目中提供多個男星線索，雖然播出版本被消音，未有曝光事件男藝人身份，卻引起不少網民開名猜測，在網民討論非常熱烈。網民留言：「今集質素好高」、「呢一集好精彩，等緊YY第二集」、「又後生又靚仔又好快，會唔會就係佢呢」、「我N年前做暑期工都見過嗰兩位電視明星一齊去揀避孕套⋯⋯我仲以為拍緊戲添，女嘅好有錢住九肚山㗎」等。
相關閱讀：情路坎坷女星常做一動作被高人直指「妓女所為」 改壞習慣後行大運 成功嫁入豪門
