80年代「港版玉置浩二」因一句話改寫人生 事業陷入谷底嚐盡人生百態 曾一事被同行毆打：何苦要搞到咁？
發佈時間：10:00 2025-10-30 HKT
蔡楓華（Kenneth）在1979年《第三屆業餘歌唱大賽》獲得冠軍後入行，當時曾簽約香港新力唱片（Sony）成為香港的歌手，同時又兼任電台DJ、演員及節目主持人，「四棲藝人」的身份令蔡楓華紅極一時，曾被冠以「白馬王子」、「紅唇王子」與及「港版玉置浩二」的稱號。不過在1985年蔡楓華主持《勁歌金曲》季選因突然爆出一句「剎那光輝未必代表永恆」的「個人感受」寸張國榮，結果由事業高峯跌落谷底，事業亦走進低潮。
蔡楓華因張國榮說出不能翻身話
蔡楓華日前接受文雋的YouTube頻道《講呢啲 講嗰啲 Man's Talk》訪問，重提當日事件，蔡楓華：「嗰晚因為俞琤唔得閒做唔到季選主持，咪搵左Money（盧敏儀）同我做拍檔，嗰10首得獎歌全部喺晒我度，根本唔存妒忌。鄧麗盈喺紅館頒獎畀張國榮，張國榮用『李香琴和余麗珍』形容佢同陳百強嘅關係，我哋三個都係好朋友，佢呢番話係蠢咗，人生嘅嘢有乜所謂，今日你做主角、聽日我做主角，無謂講喇。」結果蔡楓華因為張國榮的一個舉動而說出了不能翻身的話。
相關閱讀：64歲張國榮死敵發福開唱大叔樣被嘲？近年傳因健康減產 圓潤雙頰隨高音震動：空虛到喘氣
蔡楓華因張國榮有感而發說了一堆話
蔡楓華在節目上續稱當時《勁歌》有規定只能唱得獎歌，但張國榮唱完得獎歌《少女心事》後，即場唱出《愛不是遊戲》，結果蔡楓華有感而發說了一堆話：「其實一位歌手李香琴得獎與否，冇乜所謂，我自己嗰首《愛不是遊戲》冇獎唔緊要，我好希望做歌手，無謂係人哋嘅歌，抑或自己嘅歌，都一樣咁欣賞，我好誠心恭喜張國榮得到3首入選歌，但係一時的光輝未必是永恆，我諗我講得太多。」蔡楓華有傳因此而遭到撤換，甚至亦改變了一生。蔡楓華指當時其實仲有一句說話未講，卻被急於打圓場的盧敏儀阻攔而未能說出：「我本來想話希望張國榮永遠保有呢個永恆嘅光輝。」事隔多年，蔡楓華否認被雪藏，《愛不是遊戲》在第三季終成功入選，亦提出由藝員約轉為歌星約。
蔡楓華的行徑越變越奇怪
不過蔡楓華的行徑越變越奇怪，90年代曾被封為「四大癲王」之一，他曾在1999年被指博出位不請自來TVB的籌款活動，蔡楓華稱當時由內地返港，到了電視城發現有許多記者守候，同場不少熟悉的歌手以錯愕表情望向他，當時只有梅艷芳、汪明荃與他打招呼：「仲有一個，我特登要提嘅，呢個係好人嚟嘅，呢個人叫Dicky張衛健，佢攬住我，同我影張相，叫我去飲咖啡。」後來入到廠，蔡楓華被監製召見：「我同對方解䆁成件事嘅因由，然後同佢講：『有無歌唱我無所謂，跟正無綫規矩，你認為畀我唱，就畀我唱，你認為唔畀我唱，我就走啦』。」最終PA通知請他唱《倩影》一曲，當時他化好妝入廠準備，期間遇到某歌星，對方問他是否唱《倩影》？蔡楓華回答是後對方向他的肚皮打了一拳，蔡楓華稱被打原因可能與當晚沒有歌手可以演唱完整的一首歌。不過演出完後，負面新聞不斷，翌日見到報章大字標題：「蔡楓華受盡白眼冷眼」，蔡楓華忍不住說：「嗰陣係難受，不過都諗住繼續留喺香港，大家同行出嚟搵食啫，何苦要搞到咁？明明大家都識，如果覺得我名成利就，咪當睇我唔到。」
相關閱讀：勁歌金曲｜逾40年歷史宣佈本周播最後一集 首代主持蔡楓華節目上串張國榮改變一生
