前《愛回家》女星遭電髮棒擲面恐毀容神隱3個月低胸現身曝光最新傷勢：已調整心態

更新時間：22:30 2025-10-26 HKT
發佈時間：22:30 2025-10-26 HKT

現年31歲、曾憑TVB處境劇《愛．回家之開心速遞》中「威龍潘金蓮Anita」一角走紅的梁茵（Kiko），21年尾離巢之後星運未見好轉，她曾一度在九龍灣一間海南雞飯店內打工，其表現出來的正能量令人留下印象。早前她不幸遇上意外，被一支150度電髮棒擲中臉，令其右眉上留下嚴重的傷痕，鼻哥亦同告受傷。梁茵未有更新IG逾3個月後，終於釋出最新照片，她自言已回復最佳狀態。

梁茵神隱3個月後終蒲頭

梁茵今日（26日）更新IG，她寫道「終於回復狀態，實在太耐冇同大家見面，調整咗心態、體態，發現最好嘅化妝品，其實就係快樂。一個人嘅笑容，如果係打從內心發出，係最璀璨、最奪目，好似好老土，但絕對係真理。無論發生幾多事，無論有冇掌聲，只要你相信自己，自信嘅光芒可以引領一切！」。

梁茵額上傷痕徹底消失

梁茵對上一次更新IG，已是今年7月8日的事，今次她上載了數張最新照片，從圖中所見，梁茵穿上白色吊帶低胸晚裝，顯得十分性感，白晢的肌膚加Fit爆身型非常吸引。而最令人關注的當然是她受傷部位的康復情況，從照片中，可睇到梁茵的完整額頭情況，其右眉上面、當日起碼有5cm的傷口，現在已經完全不見蹤影，而其鼻上的傷痕亦已徹底消失。梁茵這輯照片並未有過度的美顏，相信「還原像真度」頗高，難怪於照片中梁茵笑逐顏開。

↓立即下載星島頭條App↓