高海寧獨遊法國零豔遇戥胡定欣結婚開心：睇到眼濕濕

更新時間：15:45 2025-10-23 HKT
發佈時間：15:45 2025-10-23 HKT

高海寧今日（23日）以形象大使身分出席「莎莎婦女銀袋日2025」記者會，身穿粉紅色貼身裙兼配戴帽飾的她，笑言去年TVB賽馬日後，繼而都有到馬場支持朋友，一共拉過三次頭馬，又承認有贏錢，雖然有興趣養馬，但認為不是簡單的事，不過朋友亦有教導她睇馬的知識。

《女神配對計劃》不適合自己

談到不時到馬場，可有認識「筍盤」男生？她笑言沒有，反而好多「筍馬」，但現在好享受事業忙碌，就算有朋友指可以介紹男生給她，自己亦沒有時間見面傾計，不如在事業上闖多幾年先。她說：「我好享受依家工作狀態，如果遇到適合的男生就順其自然地發展，但唔想特登搵人介紹男仔，所以《女神配對計劃》唔使搵我。」

胡定欣拍拖後變得更溫柔

高海寧指胡定欣在社交網公布婚訊，自己睇到眼濕濕好感動，戥對方開心，又指對方拍拖後變得更溫柔，感受到對方被人愛錫。她說：「希望將來我都係呢種狀態，我做嘢都幾堅強、工作狂，但溫柔就要對住特別嘅人。」提到早前獨自到法國旅遊，高海寧表示一直以來都想嘗試獨自旅行，不過今次之行沒有艷遇，反而有跟小朋友合照，更遇到一對叔姪由瑞士踩單車到法國。

↓立即下載星島頭條App↓