80年代當紅花旦喜獲兒子慶祝生日 意外獲一份禮物勁感動 因單親身份對阿仔有虧欠：佢覺得有缺失
發佈時間：11:00 2025-10-21 HKT
今日（20日）是陳秀珠的67歲生日，雖然陳秀珠在2021年離巢後過半退休生活，不過依然受到不少fans關注，早前陳秀珠復出拍《麻甩媽咪》，她的刻薄奶奶演出一度為熱話，駐顏有術的陳秀珠美貌一直得以保持，與年青時分別不大。
陳秀珠貼上生日相並說：「非常感恩今年可以和仔仔仲有一班好朋友慶祝生日。」最令她感到意外的，竟然收到一份Fans用通宵時間送來今年的生日禮物，她坦言超鍾意又感動：「Fans用心思、用時間，用我演過的每部劇集再重新編寫成一本雜誌禮物，真的無言感激，Love you，也祝福大家開心健康，繼續向目標努力。」
相關閱讀：宣萱跟TVB「爛賭繼母」久別重逢 66歲前輩皮膚白滑零瑕疵 曾未婚產子震驚全港
陳秀珠入行前曾做空姐
陳秀珠入行前曾做空姐，之後報名1979年港姐，可惜三甲不入，落選後簽約TVB備受力捧，做過《K-100》同《體育世界》，後來調去戲劇組拍劇集，演過不少經典角色，如《笑傲江湖》、《陸小鳳之鳳舞九天》」《黃大仙》、《大運河》、《季節》、《大班密令》、《誓不低頭》、《狂龍》、《亞二一族》、《師奶強人》、《千里姻緣兜錯圈》、《刑事偵緝檔案IV》、《戇夫成龍》、《美麗在望》、《十萬噸情緣》、《衝上雲霄》等，今次fans們將陳秀珠歷年角色分類，逐一分折角色的心路歷程，入行近40年的陳秀珠，收這份有心思的禮物，當然感到開心。
陳秀珠入行多年最轟動是未婚產子
不過陳秀珠入行多年，最轟動事件要數1999年未婚產子，陳秀珠從未公開兒子父親身份，她曾表示未婚生子與思想開放無關，有些事情是講時機，但承認有掙扎過，最重要是自己負責：「我決定咗啲嘢，就會勇往直前。所以我要加倍保護佢、愛佢，佢讀到小學先至過去美國，我有陪佢㗎，每年留喺美國半年時間先返嚟做嘢，我有啲朋友喺嗰邊會照顧佢，出外靠朋友。」但她亦曾有感觸的時候：「我以為我好強，咩都可以搞掂，但原來小朋友係會覺得有缺失，係冇得補償㗎。做單親媽咪唔係唔好，但要考慮好多嘢，唔可以只係諗自己，要諗埋小朋友。」
相關閱讀：陳秀珠42年前陳年照出土 晒偶像合照青春可人 主動做一事網民羨慕
