前華姐冠軍憶述15年前初入行得罪大前輩被鬧經過因一原因好委屈汲取教訓

更新時間：11:00 2025-10-20 HKT
發佈時間：11:00 2025-10-20 HKT

40歲的岑麗香於2010年度代表溫哥華來港參選國際中華小姐，奪得冠軍後加入娛樂圈，出道初期已獲力捧，直到2016年嫁金融才俊Joshua，並誕下兩子才淡出幕前。岑麗香相隔多年再拍劇集，早前便為HOY TV首部原創劇《我愛九龍城》宣傳，岑麗香現身YouYube頻道節目《巴打圍爐》訪問，大爆入行時曾被大前輩鬧的經歷。

岑麗香講剛入行委屈

岑麗香現身節目時，提到剛入行時的委屈，岑麗香為免得罪前輩，化名「阿宜」表示是聽朋友轉述：「佢嗰時好新，有個好好嘅角色，咁啱嗰日排到個戲，朝頭早係跳海戲淋濕身，之後就係撞車，淋晒血喺個身度，兩組（戲）由朝頭早到5、6點，（拍攝）12個鐘，再要接廠喎，其實我已經亂晒㗎喇！」

相關閲讀：岑麗香為孩子拒演性感戲復出拍劇重燃熱情感謝老公力撐追夢丨獨家

岑麗香指當日跳完海又淋血死兩次，假血是糖漿：「有啲水又糖漿，你會唔會想沖一沖涼先？嗰個阿宜（化名）問可唔可以沖一沖涼再返嚟接廠，咁個PA就話好呀！但係你要，假設9點啦，9點返到嚟，阿宜好新，佢冇計9點係化妝時間，定係拍攝時間，佢真係唔知㗎！」

岑麗香模仿大前輩

岑麗香指當時9時回到公司，第一場戲要與一位好有地位、受人尊重的大前輩拍攝：「第一場戲要同一個好厲害嘅前輩，係好有資格鬧人，但係又鬧得有道理。」岑麗香模仿對方語氣：「咁呀！唔拍喇今晚！冧晒廠冇人會話佢。」

岑麗香透露當日原來9時入廠，但當時仍未化妝整頭，引起大前輩不滿，岑麗香模仿對方叉腰：「我哋等緊邊個呀？」岑麗香承認當時沒有睇通告，只聽信他人轉述：「呢個真係新人嘅錯。」岑麗香續道：「我好記得好驚，出晒汗呀，根住個化妝師啱啱開始化個樣同埋set頭，平時女演員有一個鐘慢慢搞。阿宜（化名）就話唔使靚㗎，有就得喇！15分鐘搞掂跑入廠，好驚呀！」之後要狂道歉。