舒淇全裸拍攝《玉女心經》過程大揭秘 當日助導已成金像大導：佢當時已好Charm
發佈時間：09:00 2025-10-17 HKT
現年49歲的舒淇，曾經憑電影《最好的時光》奪得第42屆金馬獎最佳女主角獎，而她亦曾憑《洪興十三妹》奪得金馬獎最佳女配角，是中港台三地頂級女演員。舒淇來香港發展前，在台灣已拍過不少作品，但大多以裸露戲為主，而她首部香港電影就是《玉蒲團之玉女心經》（下稱《玉女心經》），當中她有極多床上戲並作全裸演出。原來此片的副導演，正是近兩年先後憑《命案》和《九龍城寨之圍城》奪得金像獎最佳導演的鄭保瑞。近日他接受網台《浩然正戲》訪問，就透露當時拍《玉女心經》的過程，拍攝激情床上戲時，跟舒演的實際互動情況。
鄭保瑞曾拍多部三級片？
1995年，鄭保瑞於王晶電影公司任職期間，擔任了包括由舒淇主演的《玉女心經》在內的五部電影的副導演，他憶起當時自己已非首次拍三級片，所以跟舒淇的合作是相對專業。「我之前拍過《她來自胡志明市》，嗰陣好多嘢都唔識又唔敢做，有女仔喺你面前除衫，行唔行埋去、幾時畀毛巾佢，點樣叫阿姐同佢Body化妝都唔識，因為真係尷尬」。
相關閱讀：
舒淇床上戲清場鄭保瑞留下指導
不過累積了一定經驗後，他當《玉女心經》副導時，工作已經順暢不少，鄭保瑞亦披露拍三級片的實際情況：「拍激情床上戲，一定係全部清場，但唔會清到我，因為我要喺入場做嘢。當時只得攝影師同助手，冇晒其他人，所以我要攞住件衫、拎住汗壺，仲要放埋煙，要顧住好多嘢」。因為屬副導演，鄭保瑞要同舒淇實際接觸：「必定係要同演員接觸嘅，因為幾時畀衫佢，幾時叫佢除衫，同埋要叫佢做動作戲。因為導演有時唔喺現場，佢要睇Mon，要副導去同演員接觸」。
鄭保瑞：舒淇與別不同
鄭保瑞透露，雖然舒淇當時於香港完全冇人識，拍攝經驗並不算豐富，但她的認真、態度及心理狀態，的確與別不同：「舒淇係一個好清楚嘅演員嚟。同埋嗰陣已經覺得佢好Charm，因為嗰時我都唔識佢，又未睇過佢本寫真，淨係知係一個台灣女仔。我都拍過其他嘅三級片，接觸過其他演員，舒淇係相對上好唔同，嗰陣已經Feel到係佢好清楚（知道要做乜），仲有啲cool添。佢完全唔係好似其他女仔咁扭擰，佢好知道自己要做啲乜，亦都盡量配合你，所以合作起上嚟相對簡單。佢亦都會同你講吓嘢，比起其他三級片演員，佢係相對上願意同人接觸溝通」。
舒淇後悔拍過三級片
舒淇由拍三級片的性感女星，轉型成為實力派女星並成為影后，當年一句「把脫掉的衣服一件件穿回來」成為她的名言。舒淇過去有不少緋聞，當中包括黎明、王力宏，雖然兩段戀情都是「公開的秘密」，但兩任男友都被傳因介意舒淇曾拍過全裸寫真及三級片而不願意公開戀情，亦不獲男友家人接納。舒淇表示曾經拍過寫真和三級片，難免會後悔，她曾經表示：「對於過去，我是後悔的」。
相關閱讀：影后晒愛的視角賀老公生日 曾捲黎明自殺風波 有悲慘童年拍三級片養活自己卻傳被舊愛嫌棄
