家傳之「保」丨狄龍半世紀前超英偉相曝光相隔7年父子檔亮相自認嚴父曾因一事將兒子困狗籠

更新時間：16:00 2025-10-11 HKT
發佈時間：16:00 2025-10-11 HKT

TVB真人騷《家傳之「保」》在明晚（12日）播出的一集，找來視帝譚俊彥（Shaun）走入裁縫店、體驗爸爸狄龍昔日學師點滴。為了支持譚俊彥、年屆79歲的狄龍大哥相隔7年再度亮相TVB綜藝節目，還應製作組安排做「背後軍師」，為兒子是次學習點評及打分。

狄龍半世紀前超英偉相曝光

狄龍當年投考邵氏演員訓練班前曾做過數年裁縫，當時狄龍師承上海師傅，專門負責度身訂造女裝衣服，曾於美麗華酒店、半島酒店等提供度身訂造洋服服務。在節目上曝光了狄龍的超英偉照片，穿上恤衫、繫了黑領呔的狄龍一表人才。

狄龍坦言譚俊彥在心目中超越滿分

狄龍對上一次現身的TVB綜藝節目是2018年的父親節特備訪談節目《爸爸的告白》，當時狄龍也是孖住阿仔譚俊彥齊齊亮相，痛錫仔仔之情不言而喻。譚俊彥今次「由零開始」，從度身、Mark尺寸、畫紙樣、縫紉、試穿等一條龍全部學齊；據知，譚俊彥除度尺寸時不斷出現「小差池」，就連畫弧形線亦令他大為頭痛，足見裁縫工作有多難。令人驚歎的是，狄龍雖已放下裁縫工作超過半世紀，但除了對所有步驟依然倒背如流，就連徒手畫直線都未有半點退步、足證他當年學師時何等認真、所有手藝均已熟練至入血程度。雖然阿仔的起步與專業仍有大段距離，但狄龍卻坦言譚俊彥在自己心目中超越滿分：「如果有十分，我畀佢十分多一啲啲，因為我錫佢。」

譚俊彥曾被狄龍困狗籠半小時做懲罰

狄龍笑言看著兒子重操自己故業、勾起了昔日不少難忘點滴。節目還曝光了狄龍後生做裁縫時的超英偉照片，談到對爸爸昔日做裁縫的印象，譚俊彥坦言只有一張照片：「我對於爸爸做裁縫嘅印象係一張相入面，我見到一個好靚仔、好後生嘅我爸爸，攞住條裙，佢個表情係好自豪自己設計咗一條裙。」譚俊彥曾表示「狄龍個仔」這稱號對他好有壓力：「我以前會好介意，甚至唔想同爸爸影相，但大個咗冇咁執著，其實同佢一齊合作拍片，甚至兩代都做過『包青天』，下一代睇到都係好事，係是一個緣分。」譚俊彥更曾透露年幼時因太頑皮，曾經被爸爸把他與惡犬共囚狗籠半小時做懲罰：「有一日爸爸揸車返屋企，咁啱收音機播緊一單突發新聞，爸爸聽緊嘅，但我貪玩將個卡式帶推入機度聽兒歌，爸爸熄返，我又開返，來來回回好幾次，爸爸就同我講，『你再撳我就鎖你入狗籠裏面』，當時我心諗『大我咋！』照撳。」結果返到屋企，狄龍真的將兒子鎖入狗籠，譚俊彥驚到發燒。經過多年，狄龍深感內疚，指這件事是他心中一道疤痕，更向譚俊彥道歉謂︰「係爸爸唔啱！其實我後來都了解到用呢類壓力式方法去改變一個人，只會令佢驚，但唔會令佢了解到事情嘅真相。」

↓立即下載星島頭條App↓