女團Lolly Talk被爆全體欠債 經理人回應半年冇出糧：有啲數字大家討論緊
發佈時間：18:33 2025-09-30 HKT
女團Lolly Talk由ViuTV《全民造星IV》8位落選者組成，成軍三年，憑清新可愛形象，火速成為廣告商寵兒，曾被指人氣勝另一女團COLLAR。不過，在最新一期《東周刊》獨家爆出，Lolly Talk被「金主」停止資金支持，成員們更欠公司六位數。
Lolly Talk被「閂水喉」？
消息指因為Lolly Talk成員Ah Yo及Elka先後爆出負面新聞，導致主要投資者決定「閂水喉」，不但沒有新歌推出，工作量也大受影響，八位成員不僅傳出已長達半年沒有收入，扣除開支更被通知每人欠公司20萬元，令她們極為徬徨，並四處求助並尋找新的投資者，更已開始「秘撈」以維持生計。報道更指，團員內部因工作分配不均，成員之間亦出現內訌。
相關閱讀：女團Lolly Talk「金主閂水喉」半年零收入 《東周刊》獨家爆成員內訌兼全體欠債
Lolly Talk經理人回應事件
對此，Lolly Talk 經理人Alex今回應《星島頭條》查詢時，承認八位成員背後確實有一間公司，現時仍然有不斷接job 。至於八位成員是否半年冇出糧，他表示：「我認知係冇嘅，我哋每個job 去分錢，大家會對收入、成本、支出，case by case 去處理，以我理解，其實公司係要出糧俾artist，當然要睇啲job幾時收到錢返嚟。」再問到成員是否倒欠公司金錢？ Alex 就表示：「我知道有啲數字大家討論緊，但唔係爭公司幾多錢，當然我要再了解吓。」有指成員四圍苦呻生活拮据，Alex 表示：「呢啲係佢哋私人事，我亦都唔方便講任何嘢。」最後，問到是否因為合約出現問題，所以一直沒有出新歌， Alex謂：「其實係大家嘅決定， artist自己都知道。」不過，他就指成員之間依然非常團結，未見有任何不和，並透露Lolly Talk 10月至11月仍然會有團體活動。
相關閱讀：Lolly Talk赴日演出狂走音被批失禮香港人 本土偶像海外演出表現成熱話 姜濤AK被點名？
