林敏驄談柯煒林患病：人生有起落好平常陳穎欣自認「打機控」唔敢開工打丨獨家

更新時間：21:42 2025-09-29 HKT
發佈時間：21:42 2025-09-29 HKT

陳穎欣自認「打機控」唔敢開工打林敏驄談柯煒林患病：人生有起落好平常新片《觸電》以電競競技為題材，集結老中青三代演員，透過組隊參賽的熱血過程展現堅毅不屈精神。片中年輕演員柯煒林（Will）雖於現實中確診肺腺癌第四期，仍以積極態度面對演出，獲同劇演員林敏驄以戲中金句勉勵，成為戲裡戲外動人的生命對話。陳穎欣（Yanny）則認為要以打機心態，指最後會打勝仗。採訪：鄺芷瑩攝影：譚志光化妝：Melody Chiu（陳穎欣）髮型 : Calvin Tsoi@HAiR（陳穎欣）服裝：Max & Co（陳穎欣）場地：合和酒店 HOPEWELL HOTEL

新片《觸電》雲集林敏驄、Yanny、柯煒林、蘇皓兒、羅莽、盧慧敏、ANSONBEAN、馮素波等演員，電影以電競世界為背景，講述開設網吧的林敏驄與女兒Yanny、羅莽及電競選手柯煒林組成戰隊，歷經挑戰與成長的過程。林敏驄特別提到年輕演員柯煒林現實中面對的健康挑戰，坦言：「都有少少擔心佢，但後生世仔冇咩嘅，佢自己個人都好正面。」更引用電影對白鼓勵Will：「人生係咁樣，走下坡係常事，有起有落好平常。」Yanny則認為要以打機心態，指最後會打勝仗。

林敏驄自封「電競高手」

電影中多位演員需演繹電競選手，雖非真實對戰，卻也紛紛「中毒」。林敏驄搞笑表示今次演出毋需要學電競遊戲：「因為我一出世就已經識玩，但只打好大部嘅洗衣機！」不過，Yanny透露開拍前導演請來專業電競人員教導特別姿勢，本來以為打機只是操作鍵盤，原來有獨特之處。林敏驄笑稱專業電競人員見到他們的打法，都照跟：「佢哋一睇大銀幕就話：『高手！』」被問是否因此獲邀演出？他得戚回應：「咪就係。」林敏驄指，現今玩電競遊戲可以發達，賽事相當國際性。Yanny自認本身喜歡打機，但不敢開工時玩，「因為會控制唔到自己，真係會唔瞓覺打，好想打爆機！」談到戲中「媽媽」伍詠薇與現實媽媽誰較嚴格？她笑說：「差唔多，不過，都係因為錫我才嚴厲。」而被問爸爸是否如林敏驄一樣幽默，她則笑答：「我爸爸比較正經，唔會古靈精怪。」對於跟跟林敏驄合作，Yanny坦言很開心，因為喜歡聰明又叻的人：「但開鏡前的確有啲擔心，擔心唔夠時間休息令腦筋轉唔切，跟唔貼佢。」