67歲「卡拉之星」百病纏身！尿酸飆高、心臟、前列腺連環出事為生計硬撐登台

更新時間：22:00 2025-09-26 HKT
發佈時間：22:00 2025-09-26 HKT

67歲的魯振順因為每年在《歡樂滿東華》的「卡拉之星」環節演出，名列善款榜三甲讓人難忘，魯振順今年6月透露已離巢TVB，加盟家燕媽媽藝術中心擔任演藝訓練班的導師，以及到內地登台搵食。魯振順早前曾透露百病纏身，有心臟、前列腺問題外，近日又傳出健康亮紅燈，驗身時發現尿酸指數飆升，關節痛令他苦不堪言。

魯振順痛症影響工作

魯振順水平嚴重超標，指數飆升至數十，據指與工作忙碌又飲食不節制所致。因為關節痛發作，魯振順感到如被火燒般劇痛，嚴重影響生活及工作，魯振順曾求助西醫，嘗試以藥物治療卻未能徹底解決問題。

魯振順早前曾在陳志雲的YouTube頻道透露，近年健康出現問題：「有陣時個人點解會怪怪哋，因為好痛，變咗五臟六腑會傷心，變咗好易有心臟病，變咗腦上面開始有記憶老化。雖然身體表面上冇真正嘅傷害，但係已經潛在啲唔好嘅因子，前排身體檢查，驗完話要通波仔，不過冇乜病徵。」

魯振順死過翻生

除此之外，魯振順還受到前列腺問題困擾：「到咗我哋呢啲年紀都係有啲『滴滴仔』，半夜三更一個鐘起身屙尿一次，甚至乎有啲炎症，就會半個鐘起身屙尿一次。」魯振順曾搵醫生治療卻未見改善：「加上埋泡泡尿，蛋白泡，醫生叫我除咗平時食嘢要小心啲，仲開咗藥畀我食。」魯振順曾因200萬債務及失戀問題困擾，試過借酒消愁醉，一度自殘割斷9條筋，死過翻生後變得珍惜生命。

↓立即下載星島頭條App↓