張兆輝吸20萬次瀏覽爆哲理金句：經歷風浪自會強壯 變身䁔男農夫打風前為檸檬樹穿「膠袋雨衣」
更新時間：06:00 2025-09-26 HKT
發佈時間：06:00 2025-09-26 HKT
發佈時間：06:00 2025-09-26 HKT
字體大小
超強颱風「樺加沙」日前襲港，市面滿目瘡痍。向來貼心的張兆輝，早在風球懸掛前不但做好家居防風措施，更特別關心屋外的檸檬樹。片中見他小心翼翼逐個用膠袋包好檸檬，並留言：「今日有個十號風球打到嚟，除咗屋企做好防風措施，我都要幫佢哋做防風準備！希望檸檬樹可以平安渡過，大家都要注意安全，留在安全地方。」
獲讚細心暖男
原來網民對檸檬樹一樣好有愛！該段短片上載兩天已吸引超過20萬次瀏覽，網民關心張兆輝的檸檬樹，留言大讚輝哥細心溫暖。有人搞笑稱：「等熟透我過來分享吓！」亦有網民好奇追求：「唔係應該搬入室內咩？」輝哥高情商回應：「各有所見，各有所需，你覺得順心便可～」並笑言片段是「搏你一笑，笑一笑世界更美妙！」還有粉絲瘋狂重點錯置，再讚：「輝哥幾十年都咁靚仔！」、「果然冇做錯fans，輝哥係咁倚搬下個花盆都型過人嘅！」
網民對檸檬樹一樣有愛！
仲讚輝哥對農作物好細心。
fans讚輝哥有型。
吸引的搬樹姿態。
颱風過後，張兆輝再拍下集片段，冒雨整理檸檬樹泥土，並拆去膠袋，開心報喜道出人生哲學：「檸檬冇事！人生就係咁，經歷起風浪，自然會強壯。」他留言答謝網民關心：「知道大家好關心我家的檸檬樹有冇受『樺加沙』影響？而家同大家報平安，佢屹立不倒，重點係一粒檸檬都冇甩！我代表我家檸檬樹多謝大家！」網民感動回應：「輝哥照顧周到，檸檬有福了！」、「幸福的樹！」
