丁子朗演「衣冠禽獸」彈出 感恩獲高人指點 《亞洲超星團》惹負評因禍得福丨獨家
發佈時間：08:15 2025-09-26 HKT
演員是種奇妙的職業，光鮮亮麗的背後充滿「努力」、「辛酸」的汗水。現年28歲的丁子朗（丁丁）入行9年，由2016年初出茅廬的香港先生亞軍，2022年拍攝《美麗戰場》演渣男被批對白油膩，2023年參加《亞洲超星團》因「韓仔look」遭狂轟。面對眾多批評，他娓娓道來這些年的變化，更深明要從危機中捕捉機遇。近日他在劇集《俠醫》中，首度挑戰「殺人放火、姦淫擄掠」的大奸角鄧世鏗，雖然拍攝過程中，曾自我懷疑不是好演員，但最終「奸到入骨」效果大獲好評，丁丁笑言為他演員生涯創下Bucket list（願望清單）。文：安安 圖：羅安強
丁子朗（丁丁）今次徹底撕毀過往「陽光男孩」形象，在《俠醫》中飾演為達目的不擇手段的富二代，拍住有「完美奸人」之稱的鄭子誠演父子。原來他接到劇本時，曾感到難勝任壞人角色：「覺得自己冇能力做到，但監製話唔緊要，『因為有個人衰過你，嗰個叫鄭子誠，有佢加持你若做得好就可以超越佢，做得唔好，你都係同佢同一陣線』，我就抱住呢句心態去做。」丁丁還說幸運地遇到陳豪（阿Mo）和鄭子誠，在拍攝時給予了不同意見，「仔細到連台詞快慢節奏，甚至方法演技都會同我講，好少遇到演員會咁肯教你做戲，好開心遇到佢兩位。」他透露最難演的是強姦戲，拍攝時需扯爛張曦雯（Kelly）的絲襪，但因做得不好而NG多次，一度懷疑自己不是好演員，幸好Kelly極具耐性，監製亦從旁教導。拍攝過程雖屢受挫敗，但丁丁笑指經剪接效果下，能夠呈現強姦戲中「壞」的個性，為他演員生涯創下Bucket list（願望清單）。
白面白髮惹批評
問丁丁覺得今次做壞人的反差較大，還是2023年參加男團選秀騷《亞洲超星團》？他報以莞爾一笑，接着輕鬆坦然地說：「其實當時化白塊面，又染白頭髮。的確受到好多人批評。甚至被人私下問，『你有冇後悔參加《超星團》？好似對你形象冇幫助，甚至蹉跎了你幾年時間？』我覺得完全冇，喺《超星團》得到內地嘅人脈，認識到好多製片人，開拓咗唔同嘅機遇，亦可以喺社交媒體上，認識一班唔鍾意我嘅酸民。我唔介意被批評，反而好想同佢哋有更多溝通。」
恨提名最佳男配角
2025年是丁丁好大轉變的一年，除了有《俠醫》、《奪命提示》、《執法者們》等作品，還拍了一套來自內地的懸疑劇《搏憶》：「《搏憶》係同霍建華一齊拍，亦是我喺內地嘅出道作，純普通話演出，對我來說是一個好大的挑戰，有好多新環境令我去接受、學習，正正是一個好好的契機讓我去探索不同市場。」
臨近年尾，提到會否希望憑《俠醫》提名《萬千星輝頒獎典禮》最佳男配角？丁丁豪氣說：「梗係希望啦，雖然演員唔係為咗獎項而工作，但若果有獎項加持會更加好。」他指過去演出的角色大部分都會在網上被恨批，已經習以為常。正因今次獲得好評，希望這次的「大奸角」令大家深刻和喜歡。
