「熱氣球KOL」何小姐黑歷史連環爆？ 前TVB女星陳佩思成苦主遭連累通緝：還我公道

前TVB女星陳佩思（Pancy）早年曾拍攝不少劇集演閒角，亦曾是TVB兒童節目《至Net小人類》、《放學ICU》及《問問Master Joe》的主持，早前她憑ViuTV劇集《三命》而人氣急升。近日她向傳媒透露，曾被早前因「熱氣球」事件爆紅的KOL何小姐走數，今日（25日）她再在IG上載影片透露詳情。

陳佩思大爆何小姐「黑歷史」

陳佩思在IG發布影片及帖文，公開指控因「熱氣球」事件而廣為人知的KOL何小姐（Cody）「走數」，並詳述了兩人過去合作生意所引發的種種問題。陳佩思表示，「其實我真係識Cody Ho，當時佢叫何靜雯。我識佢嘅時候佢叫Doris，跟住佢改咗名叫Cody。」她希望透過公開事件，能為自己、朋友及其他苦主討回公道，並呼籲大家小心此人。陳佩思表示事情發生於2011年，她當時仍是兒童節目主持，有意做副業增加收入，她經朋友介紹認識何小姐，對方稱有朋友移民欲頂讓小食店，何小姐提議陳佩思與她合作做零食店生意。

相關閱讀：熱氣球嘉年華丨宣萱先係大贏家？ 坐熱氣球「成功升空」片瘋傳 網民推爆：贏咗99.9%香港人

何小姐沒報稅導致陳佩思被通緝

陳佩思表示自己是藝人，不擅長做生意，「我唔識嗰啲咩……要做啲報稅呀、annual report（年報）、audit（審計報告）嗰啲嘢喎！『放心！交俾我！你淨係做入貨嗰啲嘢』，好啦咁交俾佢啦，好啦，如是者我哋就真係開咗呢個零食舖。」而何小姐當時的男友亦加入他們，負責在店面工作，陳佩思指當時入貨頻密，卻一直沒有盈利，令她感奇怪。約一年後，她收到一封政府公函，「奇怪喇，點解會有政府公函send去我屋企？我一拆開，話我俾人通緝喎。跟住我梗係好緊張，打俾我經理人，我做錯咗咩事會俾人通緝？原來我哋公司就冇做annual report，冇交到稅，冇報到稅，應該已經係通知咗我哋好多次，寄咗去我哋舖頭好多次，但封信唔係我開，唔係我keep，所以我唔知道。」追問下何小姐才表示會補做稅務文件，陳佩思指一度非常擔心自己因被通緝而未能出境工作。

相關閱讀：國際熱氣球節｜「熱氣球港媽」︰苦主群組增至近200人 料周一可向主辦方發律師信

何小姐拖糧「人間蒸發」

與此同時，何小姐稱正進行另一生意大計，陳佩思表示：「佢話佢好忙，因為佢搞緊一間Apps公司，環保Apps公司，佢叫我介紹人。」陳佩思更做中間人為她介紹一位朋友Josephine進行合作，「如是者佢就做嘢啦，我呢邊仍然係未交過audit（審計報告）。跟住做咗一個月左右，Josephine就話『Pancy呀，你有冇見到Cody呀？你聯唔聯絡到佢呀？』我話『做咩嘢，聯絡到呀』。Josephine話『佢話入錢俾我出糧』，唔知係萬零蚊定兩萬蚊，跟住佢就話『但係佢每次就係入幾千蚊，跟住一係就話彈票，一係就話入唔到票，一係就話好忙，好多嘢搞』。因為其實我識佢嘅時候，佢改咗好多名，由叫Doris跟住叫Cody啦，跟住佢成日改電話。佢就會話『我又改咗電話啦，你save佢啦』，我話奇怪，點解你成日改電話嘅？同埋佢有好多間公司，開咗好多間公司。」當她代好友Josephine追問支薪的情況，何小姐僅表示：「得得得冇問題！」不過三個月後，Josephine仍然被拖糧。

相關閱讀：熱氣球嘉年華｜爆紅「激動港媽」Botan背後故事有洋葱！勞氣全因身邊自閉症子：尋日係佢重要日子

陳佩思獨力負責店舖問題

陳佩思向何小姐提議將零食店關閉：「你根本你都冇理過間舖頭」，陳佩思指她沒有時間完全負責零食店的工作，加上何小姐當時男友辭職後，一直找不到長工駐店，她指何小姐在未完成退股手續、亦未處理公司稅務問題的情況下便一走了之，「冇做audit，乜都冇……後尾就搵唔到佢喇，咁我就要獨立去承擔呢間舖所有嘅嘢。」陳佩思最後得會計師友人幫助才暫時度過難關，同時在零食店親力親為打點，「真係好心力交瘁，嗰時望住個天，『唉，點解要我一個人去獨立承受呢啲嘢呢』。」但此時仍有另一大難題，「我哋有個聯名戶口，我哋用支票交租嘅，我去銀行話想cancel個戶口。銀行話『你個聯名戶口嚟㗎，唔可以就咁cancel』，我話『吓？但我搵唔到我個partner喎，我partner唔知去咗邊喎』，除非呢兩年個戶口冇郁過，冇入錢，冇攞錢，咁你就可以取消。」總之搞咗差唔多一年定係兩年，個戶口先至完咗。」

相關閱讀：三命丨陳國邦演37歲中年版「駱澤信」被批太老令人出戲 真實年齡大「阿媽」陳佩思XX年

何小姐私訊陳佩思解釋「失蹤」原因

陳佩思透過傳媒公開事件後，收到何小姐私訊，陳佩思在片中公開何小姐私訊的內容：「Pancy，我當年IT公司俾我partner拎走咗58萬，一夜之間乜都冇晒。我處理完IT公司嘅嘢，心灰意冷，走咗去加拿大讀書。我冇諗過一去到嗰邊就跌咗電話，亦可能俾人偷咗，冇晒啲contact。我當時身上已經冇乜錢，唔可以即刻返香港，唯有喺嗰邊買電話卡，所以同你哋失咗聯絡。至於Josephine，因為我朋友當時做玩具廠想畫IP，我俾咗前期佢之後，畫咗一部分公仔之後，我朋友死咗，因為吸毒。因為件事太突然，成個project terminate咗，唔可以繼續落去。我喺香港嗰幾年，對唔住，後來我返香港生小朋友，一個人照顧佢，生活比較困難，所以冇時間去搵你，但我唔希望我哋之間因為誤會冇咗個朋友。我WhatsApp係…（電話號碼）。」

相關閱讀：陳鍵鋒突起弶疑寸爆《三命》陳佩思：唔好互相吹捧 曾合拍《律政新人王》 一句反擊KO掀討論

熱氣球嘉年華丨宣萱先係大贏家？

何小姐字字鏗鏘討公道極諷刺

陳佩思指後來她上網重溫何小姐就「熱氣球風波」發表的言論，表現得字字鏗鏘、據理力爭，反而令她感生氣。她說：「14年喇，我冇諗過我會喺YouTube度見到佢。因為佢當時真係搞到我同Josephine心力交瘁。佢俾我學咗一樣嘢，我真係要帶眼識人。我睇佢個報導，佢就話『我哋要求你熱氣球公司有一個交代，我要有一個公道，香港係公義嘅』，我同Josephine都覺得，我同Josephine嘅交代呢？我哋嘅公道呢？」陳佩思重申，並非沒有找過何小姐，但由於對方多次改名，亦斷了聯絡而未能尋「公道」。另外，她亦質疑何小姐的解釋，「你話你去咗加拿大讀書，你知唔知買張加拿大嘅機票係幾貴？你知唔知去加拿大生活係幾貴？你知唔知去加拿大讀書係幾貴？咁荒謬嘅事情，你都可以話俾我聽，你跟住去咗加拿大，你叫我點相信你呀？即係你仍然用緊一個大話嚟話俾我聽，去用另一個大話冚你個大話。」

相關閱讀：三命丨「駱澤信」媽媽靠壓抑苦澀演技挑戰成功 與胡定欣同期出身 命途曲折離奇曾入ICU死過翻生

陳佩思呼籲苦主發聲望討回公道

陳佩思表示，此次站出來並非單純為了追討金錢，而是希望揭露事件真相，為自己、朋友Josephine以及其他可能存在的苦主討回一個公道。她說：「我唔係追你還錢，亦唔係同你鬧交，我只係表達你喺熱氣球事件需要一個公道，咁我同Josephine都需要一個公道，其他苦主都需要你一個交代，真實嘅交代。」她在影片結尾呼籲，希望何小姐能正視問題，並提醒大眾要小心，以免再有更多人受騙，她說：「我希望你可以正正經經搵返份工，唔好再喺度呃呃氹氹，你已經有個小朋友喇，你要做真係一個好榜樣俾佢睇。」