「热气球KOL」何小姐黑历史连环爆？ 前TVB女星陈佩思成苦主遭连累通缉：还我公道

前TVB女星陈佩思（Pancy）早年曾拍摄不少剧集演闲角，亦曾是TVB儿童节目《至Net小人类》、《放学ICU》及《问问Master Joe》的主持，早前她凭ViuTV剧集《三命》而人气急升。近日她向传媒透露，曾被早前因「热气球」事件爆红的KOL何小姐走数，今日（25日）她再在IG上载影片透露详情。

陈佩思大爆何小姐「黑历史」

陈佩思在IG发布影片及帖文，公开指控因「热气球」事件而广为人知的KOL何小姐（Cody）「走数」，并详述了两人过去合作生意所引发的种种问题。陈佩思表示，「其实我真系识Cody Ho，当时佢叫何静雯。我识佢嘅时候佢叫Doris，跟住佢改咗名叫Cody。」她希望透过公开事件，能为自己、朋友及其他苦主讨回公道，并呼吁大家小心此人。陈佩思表示事情发生于2011年，她当时仍是儿童节目主持，有意做副业增加收入，她经朋友介绍认识何小姐，对方称有朋友移民欲顶让小食店，何小姐提议陈佩思与她合作做零食店生意。

相关阅读：热气球嘉年华丨宣萱先系大赢家？ 坐热气球「成功升空」片疯传 网民推爆：赢咗99.9%香港人

何小姐没报税导致陈佩思被通缉

陈佩思表示自己是艺人，不擅长做生意，「我唔识𠮶啲咩……要做啲报税呀、annual report（年报）、audit（审计报告）𠮶啲嘢㖞！『放心！交俾我！你净系做入货𠮶啲嘢』，好啦咁交俾佢啦，好啦，如是者我哋就真系开咗呢个零食舖。」而何小姐当时的男友亦加入他们，负责在店面工作，陈佩思指当时入货频密，却一直没有盈利，令她感奇怪。约一年后，她收到一封政府公函，「奇怪喇，点解会有政府公函send去我屋企？我一拆开，话我俾人通缉㖞。跟住我梗系好紧张，打俾我经理人，我做错咗咩事会俾人通缉？原来我哋公司就冇做annual report，冇交到税，冇报到税，应该已经系通知咗我哋好多次，寄咗去我哋舖头好多次，但封信唔系我开，唔系我keep，所以我唔知道。」追问下何小姐才表示会补做税务文件，陈佩思指一度非常担心自己因被通缉而未能出境工作。

相关阅读：国际热气球节｜「热气球港妈」︰苦主群组增至近200人 料周一可向主办方发律师信

何小姐拖粮「人间蒸发」

与此同时，何小姐称正进行另一生意大计，陈佩思表示：「佢话佢好忙，因为佢搞紧一间Apps公司，环保Apps公司，佢叫我介绍人。」陈佩思更做中间人为她介绍一位朋友Josephine进行合作，「如是者佢就做嘢啦，我呢边仍然系未交过audit（审计报告）。跟住做咗一个月左右，Josephine就话『Pancy呀，你有冇见到Cody呀？你联唔联络到佢呀？』我话『做咩嘢，联络到呀』。Josephine话『佢话入钱俾我出粮』，唔知系万零蚊定两万蚊，跟住佢就话『但系佢每次就系入几千蚊，跟住一系就话弹票，一系就话入唔到票，一系就话好忙，好多嘢搞』。因为其实我识佢嘅时候，佢改咗好多名，由叫Doris跟住叫Cody啦，跟住佢成日改电话。佢就会话『我又改咗电话啦，你save佢啦』，我话奇怪，点解你成日改电话嘅？同埋佢有好多间公司，开咗好多间公司。」当她代好友Josephine追问支薪的情况，何小姐仅表示：「得得得冇问题！」不过三个月后，Josephine仍然被拖粮。

相关阅读：热气球嘉年华｜爆红「激动港妈」Botan背后故事有洋葱！劳气全因身边自闭症子：寻日系佢重要日子

陈佩思独力负责店舖问题

陈佩思向何小姐提议将零食店关闭：「你根本你都冇理过间舖头」，陈佩思指她没有时间完全负责零食店的工作，加上何小姐当时男友辞职后，一直找不到长工驻店，她指何小姐在未完成退股手续、亦未处理公司税务问题的情况下便一走了之，「冇做audit，乜都冇……后尾就揾唔到佢喇，咁我就要独立去承担呢间舖所有嘅嘢。」陈佩思最后得会计师友人帮助才暂时度过难关，同时在零食店亲力亲为打点，「真系好心力交瘁，𠮶时望住个天，『唉，点解要我一个人去独立承受呢啲嘢呢』。」但此时仍有另一大难题，「我哋有个联名户口，我哋用支票交租嘅，我去银行话想cancel个户口。银行话『你个联名户口嚟㗎，唔可以就咁cancel』，我话『吓？但我揾唔到我个partner㖞，我partner唔知去咗边㖞』，除非呢两年个户口冇郁过，冇入钱，冇攞钱，咁你就可以取消。」总之搞咗差唔多一年定系两年，个户口先至完咗。」

相关阅读：三命丨陈国邦演37岁中年版「骆泽信」被批太老令人出戏 真实年龄大「阿妈」陈佩思XX年

何小姐私讯陈佩思解释「失踪」原因

陈佩思透过传媒公开事件后，收到何小姐私讯，陈佩思在片中公开何小姐私讯的内容：「Pancy，我当年IT公司俾我partner拎走咗58万，一夜之间乜都冇晒。我处理完IT公司嘅嘢，心灰意冷，走咗去加拿大读书。我冇谂过一去到𠮶边就跌咗电话，亦可能俾人偷咗，冇晒啲contact。我当时身上已经冇乜钱，唔可以即刻返香港，唯有喺𠮶边买电话卡，所以同你哋失咗联络。至于Josephine，因为我朋友当时做玩具厂想画IP，我俾咗前期佢之后，画咗一部分公仔之后，我朋友死咗，因为吸毒。因为件事太突然，成个project terminate咗，唔可以继续落去。我喺香港𠮶几年，对唔住，后来我返香港生小朋友，一个人照顾佢，生活比较困难，所以冇时间去揾你，但我唔希望我哋之间因为误会冇咗个朋友。我WhatsApp系…（电话号码）。」

相关阅读：陈键锋突起弶疑寸爆《三命》陈佩思：唔好互相吹捧 曾合拍《律政新人王》 一句反击KO掀讨论

热气球嘉年华丨宣萱先系大赢家？

何小姐字字铿锵讨公道极讽刺

陈佩思指后来她上网重温何小姐就「热气球风波」发表的言论，表现得字字铿锵、据理力争，反而令她感生气。她说：「14年喇，我冇谂过我会喺YouTube度见到佢。因为佢当时真系搞到我同Josephine心力交瘁。佢俾我学咗一样嘢，我真系要带眼识人。我睇佢个报导，佢就话『我哋要求你热气球公司有一个交代，我要有一个公道，香港系公义嘅』，我同Josephine都觉得，我同Josephine嘅交代呢？我哋嘅公道呢？」陈佩思重申，并非没有找过何小姐，但由于对方多次改名，亦断了联络而未能寻「公道」。另外，她亦质疑何小姐的解释，「你话你去咗加拿大读书，你知唔知买张加拿大嘅机票系几贵？你知唔知去加拿大生活系几贵？你知唔知去加拿大读书系几贵？咁荒谬嘅事情，你都可以话俾我听，你跟住去咗加拿大，你叫我点相信你呀？即系你仍然用紧一个大话嚟话俾我听，去用另一个大话冚你个大话。」

相关阅读：三命丨「骆泽信」妈妈靠压抑苦涩演技挑战成功 与胡定欣同期出身 命途曲折离奇曾入ICU死过翻生

陈佩思呼吁苦主发声望讨回公道

陈佩思表示，此次站出来并非单纯为了追讨金钱，而是希望揭露事件真相，为自己、朋友Josephine以及其他可能存在的苦主讨回一个公道。她说：「我唔系追你还钱，亦唔系同你闹交，我只系表达你喺热气球事件需要一个公道，咁我同Josephine都需要一个公道，其他苦主都需要你一个交代，真实嘅交代。」她在影片结尾呼吁，希望何小姐能正视问题，并提醒大众要小心，以免再有更多人受骗，她说：「我希望你可以正正经经揾返份工，唔好再喺度呃呃氹氹，你已经有个小朋友喇，你要做真系一个好榜样俾佢睇。」