「東張女神」俞可程遇恐怖車禍險喪命 更多細節曝光左臂血肉模糊 座駕損毀嚴重
發佈時間：23:30 2025-09-11 HKT
現年27歲的俞可程（Kanis），曾參選2024年香港小姐，現時《東張西望》成為主持，成為東張女神之一。她早前不幸發生交通意外，她直指當時「以為自己真係會死」，近日她披露更多意外細節，更騷出左臂巨大傷疤，可謂「望見都覺得痛」，相當觸目驚心，另外她亦於IG放上入院影片，她拍低自己在醫院痛哭的影像，相信其粉絲肯定十分心痛。
俞可程座駕跣呔撞上石壆
俞可程於IG表示，當日她駕車時遇上座駕跣呔，幸好有驚無險未造成致命損傷：「8號風球下，朝早揸車返工，去到龍翔道入彎跣呔架車突然失控，撞上石壆，係無超速下衝力都好大，一撞上去全部airbags彈曬出黎，車外車內都出晒煙，經過嘅車都叫我即刻落車，驚架車着火。撞咗車嘅一刻唔係好知發生咩事，個頭有啲暈耳仔有啲wing，但係都係清醒，即刻攞電話報警，過程中好多車都停低幫手，多謝晒佢哋。」
相關閱讀：「東張女神」爆遇恐怖車禍徘徊鬼門關 急送院嚇到喊傷勢曝光：以為自己真係會死
俞可程只受輕傷自覺好運
俞可程感激當日遇上不少有心人支援自己：「27歲人，第一次撞車，撞嗰一刻真係以為自己會死，好驚好驚險，但係最後行得走得，都算係只係輕傷，已經係不幸中嘅大幸，亦都係好幸運。向所有要喺惡劣天氣底下工作嘅人致敬，真係十分偉大。都好多謝幫過我安慰過我嘅所有人，當下好無助，有你哋小小既幫助都巨甚意義，真係好感謝感謝。大難不死必有後福，希望所有人都平平安安健健康康開開心心。」
俞可程左臂受傷嚴重
俞可程於IG放上數張照片，其中一張是她的白色Tesla，當時它已撞上石壆，右邊車頭損毀頗為嚴重。另一張是她的左臂受傷頗為嚴重，看到她大幅皮膚被剷走，剛巧是一個大T型，她亦笑說「多咗一個Tesla紋身」，另外在影片中，看到戴上口罩的她，獨自一個於醫院孤立無援，她亦失聲痛哭表示好驚，認真我見猶憐。
相關閱讀：東張西望丨巴士迷貼文疑曝光：失眠 巴士車長Alex發聲強調非靚仔 被俞可程揭吸引點
