宣萱初生之犢膽大包天 《K-100》舊片質問TVB高層再被翻炒 9字自揭敢言背後有呢個下場
發佈時間：20:30 2025-09-11 HKT
林家謙上月舉行第二次個人紅館演唱會《White Summer》的嘉賓可謂驚喜連場，繼鄭秀文、梁詠琪、鄧麗欣、莫文蔚，楊千嬅與及陳慧琳後，張栢芝和宣萱的出現，演出片段在網上瘋傳兼以洗版式討論。宣萱其後又因「熱氣球節無氣球坐」風波期間，網民翻出她在2011年演出劇集《萬凰之王》坐熱氣球的片段，網民笑言「「宣萱成功登上熱氣球贏咗99%香港人」，結果宣萱笑稱「估唔到」自己會被瘋狂談論，她積極地在Threads回應網民留言，在網絡上製造了不少熱度。
宣萱陳年率直敢言舊片翻hit
日前有網民積極貼出宣萱的陳年舊片，其中一段是宣萱在1994年與《笑看風雲 》的演員接受《K-100》的訪問，當時因歌手問題而直接向公司高層提出質問，其率直敢言再度成為網民焦點，連ViuTV一哥強尼亦有轉發片段兼留言：「嘩！呢個節目好__勁呀，請受我一拜！ #應該要係咁」 宣萱都有再親自回覆：「多謝公司當年冇雪我。」
相關閱讀：熱氣球嘉年華丨宣萱先係大贏家？ 坐熱氣球「成功升空」片瘋傳 網民推爆：贏咗99.9%香港人
宣萱入行以直率性格見稱，再加上做人甚有原則，多年來被指難相處，但事實上宣萱的個性多年來未有改變過，今次宣萱的陳年訪問片被翻出，在片段內看到宣萱直指公司過於重用歌星拍劇，「因為我曾經試過喺3廠拍劇，係可以2、3、4、5廠嘅主角全部都係歌星，我哋呢啲就係企埋一邊，即係都幾多戲，但永遠主角都係歌星！同埋我哋開工，多時要等三、四個鐘都要等歌星，但佢哋遲到呢，係連一句sorry都唔使講，公司亦唔會講一句教訓佢哋嘅說話！」結果宣萱的敢言被在場的藝員同事拍掌和應，當中郭晉安、古天樂和鄭伊健拍掌讚同。
面無懼色的宣萱繼續發聲：「我哋唔敢遲到，如果遲到又會畀人篤住嚟講，點解你遲到呀？點解你咁唔守規矩……我想你解答呢啲問題囉！」黎文卓當時是TVB綜藝節目及創作部總經理，他在現場為事件作出回應：「其實係錯覺嚟啫，因為喺十幾廿年前，全台嘅合約歌星只係得廿幾人，到今日嘅歌星係二百幾人。」黎文卓指歌星的數目是十倍地增加，反而藝員的增加數目未有那麼多倍數：「歌星和藝員已經混得好埋，好似鄭伊健咁，佢係歌星定係藝員吖？係嘛？所以好多時純粹係錯覺！」被點名的鄭伊健即澄清：「我係包薪藝員嚟㗎！」有人留言：「我覺得宣萱到而家都仲keep到咁後生都係佢忠於自己，個人真。 以前我會覺得呢啲人好麻煩，唔識做人，但係見佢可以越來越靚又無咩點老過，就明白原來做人真係有好處。」、「宣萱真係好感言，所以點解由開始出道到而家咁多人鍾意佢。」
相關閱讀：林家謙演唱會｜宣萱反向操作未從「隨意盒」登場 互指變態合唱《難兄難弟》
