38歲男星驚爆患癌接受手術化療 聞噩耗曾悲觀憤世 扮杜如風被本尊藐爆
發佈時間：13:00 2025-09-11 HKT
38歲藝人杜如科（科林）曾為電台DJ，2015年模仿杜如風節目《東京攻略》，二次創作《東征攻略》為人認識。日前才出PO透露「兼職Uber」時遇見關智斌，昨晚（10日）卻在社交網表示患癌，又公開數張生活相，力證健康沒有問題，並感謝大眾關心。
科林百般滋味在心頭
科林昨晚在FB留言：「咩癌第幾期乜乜，暫不多交代了，手術做咗療已化咗，人在休養中，會好返的。一直收到好多關心及資訊，相識不相識的也萬分感謝，Keep住有嘢出因為拍定整定schedule定，睇Social Media表面好似無嘢咁，一向少放負少分享，百般滋味在心頭時，自己知好了，人生唔希望有下次。影幾張相記錄一下，anyway我OK，有心」。
相關閱讀：50歲資深旅遊主持驚爆捱出病 下半身出事行動不便 開工照殘到令人憂心：頂硬上！
科林原不想公開病情
科林今年5月底曾在FB出PO，見到入院抽血吊針的照片，當時他表示：「Cancer啫，醫囉唔係點啊！用身體證明六合彩係難中過腫瘤，哼！今次仲唔畀我減到肥？！聽講化療個口會苦，可唔可以袋定啲hi-chew軟糖。」科林原本沒打算公開，但因朋友的原因才決定公開病情：「話說本身諗住唔講，醫返好又一條好漢，但最近兄弟分享，佢老best到走前一刻先畀人知，兄弟喺醫院對住彌留間嘅老best喪鬧半小時，我作為患者，其實好明白病人心態。」
相關閱讀：解風東京2｜杜如風勁食「痛風鍋」睇中逾4萬元Chanel袋 梁朝偉今晚「壓軸登場」？
科林透露心情：「出得嚟見嘅時候都係狀態理想，唔理想嘅時候根本唔想見人，自己搞得惦無咩嘢都唔使人知，respect就OK。但原來有事唔講係會被人__，呢單嘢諗極都係唔抵，自己頂完，仲要話我嘅咩。所以手術前呢一刻，都係出個Po先。」
科林行得走得有傾有講
科林表現輕鬆道：「P.S. 圖為較早抽血時，無事喎！醫生話會好得返，係要少少時間，相信比較驚訝嘅，係最近見過面嘅各位，唔好意思！早兩日仲行得走得有傾有講，可能家下嚇一嚇（其實我術後都應該行得走得講到嘢的）即咁，我好似好輕鬆係咪，我份人都唔係咁樂觀㗎咋，知道自己有事之後，我都用咗半日嚟憤世，憤完先面對囉咩啊！btw，儲落嘅相同片夠出成年，打後嘅Po繼續正正常常，可能你會覺得好神奇。」
相關閱讀：陳子聰身體再出事何超儀緊急陪老公赴美做手術 好友杜如風透露病情：係新問題
