前TVB「御用細佬」淪為「甘草」後黯然離場 嫩妻生B後曾因一事面臨失業：要靠太太分擔
發佈時間：15:25 2025-09-06 HKT
曾有「御用細佬」之稱的魯文傑（Simon）在1996年演藝學院戲劇學院畢業後入行，因一個豆奶廣告被招攬入TVB，早期被安排擔任兒童節目《閃電傳真機》主持，在節目上扮過「怪家庭」「小怪」與及「老鼠吱吱吱」「郵差鼠」，多年來深受小朋友歡迎。
魯文傑淪為甘草演員曾面臨失業
其後魯文傑終有拍劇的機會，他曾演出過《迷離檔案》、《鑑證實錄II》、《廟街·媽·兄弟》、《十兄弟》與及《On Call 36小時》等劇集，不過當中不乏演主角弟弟的角色，結果不單未能登上一線男主角，反而因戲份越來越少，淪為甘草演員，他更試過面臨失業，一度令生活相當閉翳。
相關閱讀：翻盤下半場︱魯文傑曾遇中年危機自覺冇用 黃浩然自認惡頂想改過自新
魯文傑錯失了不少機會
魯文傑日前為ViuTV劇集《翻盤下半場》接受訪問，魯文傑在1992年就讀演藝學院一年級時，已憑一則電視廣告成名，獲封「王子」的魯文傑坦言從沒發明星夢：「我一啲都唔覺得靚仔，只可以話四正，我好咧啡，返演藝都係波衫短褲。」不過魯文傑覺得自己錯失了不少機會：「中五搭地鐵遇過趙潤勤（陳慧嫻的前經理人），佢望實又跟住我，叫我去casting試音我好驚，打電話嚟第二次先肯上去，見到張智霖同蔣志光海報先至知係堅，試完音唱得差都話簽我，最終覺得未讀完書唔簽。」原來1992年拍的飲品廣告，也是演藝師兄逼他去試鏡才成事。而廣告出街後，魯文傑獲無綫、邵氏及亞視爭相羅致，「三間公司都有搵我，我見過方逸華，亦因為睇TVB睇大而簽咗。」魯文傑當時由演藝學院任經理人，他一邊讀書，一邊於周末及周日錄製《閃電傳真機》，期間TVB曾提出包薪經理人合約：「TVB叫我唔好讀演藝，點解唔畀我讀埋呢？做人無得後悔，雖然辛苦，亦好珍惜嗰四年讀書發生嘅嘢，對我好大幫助。」
魯文傑自認沒野心
魯文傑認自己沒野心，演藝畢業後滿足於拍攝《閃電傳真機》的收入或演「細佬」角色，「一年260個騷，每個月出兩份糧，夠自己亦夠畀屋企。」不過魯文傑慢慢由「御用細佬」變成「甘草」，只是做主持或司機的角色，他坦承自己心態也有問題，「早期貪玩，有糧出，過得一日就一日，自己放䠋嘅心態亦有問題。好記得後期有場同陸駿光嘅戲，本來大家都係行行企企，突然導演有堆對白想我講，我竟然唔想講叫陸駿光講埋佢。當時陸駿光話：『演藝師兄，你做乜搞成咁！』我係䠋咁！」最終魯文傑2012年離巢跳槽港視（HKTV）王維基：「當時無騷爆，仲要我還騷，無糧出仲要我拍《東西宮略》，加上男人40，都要為將來打算，不如走啦。」魯文傑離開TVB前因為演出音樂劇《一屋寶貝》而認識他年輕十六歲的太太梁嘉敏（Pinky），二人在2013年結婚，同年年底誕下兒子魯煦耀（Jathan），本來以為事業與家庭發展順利，竟然遇上港視不獲發牌面臨失業的打擊，魯文傑憶述說：「過程來回三次，最終嗰日成家食飯睇住電視，阿爸、阿媽、老婆、BB都喺度，成家靜晒，回巢？轉行？好閉翳。嗰一年仍有糧出，但之後點呢？」幸好在最困難的日子，得到廖啟智的介紹下去了浸會教演戲，同時他亦有機會到主題公園當talent manager，加上太太產後亦有工作，兩公婆分擔才捱過最困難的日子：「我好感激廖啟智，疫情有段時間我冇嘢做，都要靠我太太，所以我好愛我老婆，多謝我老婆，真㗎！我相信「天無絕人之路」，人生好得意，唔順中總會有啲順，所以唔使咁閉翳。」
相關閱讀：前「TVB御用細佬」黃嘉樂老婆驚爆入院 全身麻醉插尿喉 任攝影師自小患弱視險盲
